اتالعان نىسان – حالىق كوپ جۇرەتىن قالا ورتالىعىندا اشىلدى. ەندى وبلىس تۇرعىندارى كەڭسەگە توقتاپ، ەلەكتروندى تۇردە ارىز-شاعىمىن تىركەتىپ، ءتيىستى جاۋابىن الا الادى.
قوناقتاردى قوعامدىق قابىلداۋ كەڭسەسىمەن «Nur Otan» پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىبايەۆ تانىستىرىپ، اتقارىلىپ جاتقان جۇمىستاردى باياندادى.
«Nur Otan» پارتياسىنىڭ ءتوراعاسى نۇرسۇلتان نازاربايەۆ «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا «سەنىم. ديالوگ. بولاشاققا نىق قادام» – «Nur Otan» پارتياسىنىڭ 7 سەرپىنى» اتتى پارتيا جۇمىسىن جۇيەلى جاڭعىرتۋ باعدارلاماسىن ۇسىنعان بولاتىن. وسى ورايدا، قوعامدىق قابىلداۋ تۇرعىنداردىڭ شەشىمىن تاپپاعان ماسەلەلەرىن شەشۋگە اتسالىسپاق.
ايتا كەتەيىك، مۇنداي فورماتتاعى قابىلداۋ وبلىس باسشىسى ءو. شوكەيەۆتىڭ باستاماسىمەن تۇركىستاندا اشىلىپ وتىر.
قوعامدىق قابىلداۋدىڭ تىنىس-تىرشىلىگىمەن تانىسقان جوعارى سوت ءتوراعاسى بۇل باستاماعا ريزاشىلىعىن ءبىلدىردى.
جالپى، كەڭسە اشىلعان ون كۇندە قوعامدىق قابىلداۋعا 184 ازامات ءوتىنىش بىلدىرگەن.
سونداي-اق ءدال وسى «Open Space»-تە ءوڭىر باسشىسى ءو.شوكەيەۆ ءوزى دە حالىقپەن كەزدەسىپ، ولاردىڭ ماسەلەسىن شەشۋگە ىقپال ەتەتىن بولادى. ءماسليحات دەپۋتاتتارى مەن سالالىق مەملەكەتتىك مەكەمە باسشىلارى دا ازاماتتاردى مازالاعان ساۋالدارعا جاۋاپ بەرىپ، ولاردىڭ ماسەلەلەرىن وڭتايلى شەشۋدە جۇمىس اتقاراتىن بولادى.
بۇرىن پارتيا عيماراتىندا وتىرىپ تۇرعىنداردى قابىلدايتىن قوعامدىق قابىلداۋ بولمەسىنە 2019 جىلدىڭ 8 ايىندا 5933 ارىز-شاعىم تۇسكەن. ونىڭ 45%-ى وڭتايلى شەشىلىپ، 3097 وتىنىشكە زاڭ اياسىندا كەڭەس بەرىلگەن، 74 ءوتىنىش قارالۋ ۇستىندە.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
