Endi aliment mólsherin azaitý jónindegi isterdi qaraý kezinde sot tóleýshiniń qarjylai jaǵdaiynyń nasharlaýyn mindetti túrde eskerýi tiis, dep habarlaidy Dalanews.kz "Informbiýro" jańalyqtar qyzmetine silteme jasap.
Mundai sheshim azamattardyń biri Joǵarǵy sotqa shaǵymdanǵannan keiin qabyldanǵan. Isti qaraý barysynda sot alimentke qatysty normativtik quqyqtyq aktilerde qaishylyq baryn anyqtaǵan. Buǵan deiin qoldanysta bolǵan normativtik qaýlyda boryshkerdiń materialdyq jaǵdaiynyń nasharlaýy aliment mólsherin azaitýǵa negiz bola almaidy dep kórsetilgen edi. Alaida, "Neke (erli-zaiyptylyq) jáne otbasy týraly" kodekste mundai múmkindik qarastyrylǵan.
Osyǵan bailanysty Joǵarǵy sot daýly tarmaqty qaýlydan alyp tastap, Úkimetke aliment óndirý tártibin jetildirýdi usyndy.
"Burynǵy qaýlyda boryshkerdiń qarjylyq nemese otbasylyq jaǵdaiynyń nasharlaýy alimentti azaitýǵa sebep bola almaityny kórsetilgen. Biraq kodekste, kerisinshe, mundai jaǵdai aliment mólsherin qaita qaraýǵa tolyq negiz bola alady dep anyq jazylǵan", — dedi Joǵarǵy sot apparaty taldaý jáne konstitýtsiialyq óndiris bóliminiń basshy orynbasary Ámir Umarov.
