Bıyl Túrkistan oblysynda 57 eldi mekenge gaz qubyry tartylady. Jyl sońyna deıin 68 nysannyń qurylysy aıaqtalyp, 122 myń abonent kógildir otynǵa qosylady. Jyl sońyna deıin oblys turǵyndarynyń 78%-n gazben qamtý josparlanǵan, – dep habarlaıdy Dalanews.kz.

Qazirgi tańda oblysta 103 nysannyń qurylysy júrip jatyr. Qalǵan 35-i keler jylǵa ótpeli.

Sonymen qatar, búginde qurylysy júrgizilip, biraq iske qosylmaı turǵan gaz qubyrlary men gaz taratýshy stansıalaryn qaıta iske qosý jumystary qosa atqarylyp jatyr.

Jalpy Túrkistan oblysynda 1,5 mıllıonnan astam halyq tabıǵı gazben qamtylǵan. Iaǵnı óńirdegi 833 eldi mekenniń 465-i kógildir otynǵa qosylǵan.

Aldaǵy 3 jylda 200 eldi mekendi tabıǵı gazǵa qosyp, oblysty gazben qamtý deńgeıin 87%-ǵa jetkizý kózdelip otyr.