بيىل تۇركىستان وبلىسىندا 57 ەلدى مەكەنگە گاز قۇبىرى تارتىلادى. جىل سوڭىنا دەيىن 68 نىساننىڭ قۇرىلىسى اياقتالىپ، 122 مىڭ ابونەنت كوگىلدىر وتىنعا قوسىلادى. جىل سوڭىنا دەيىن وبلىس تۇرعىندارىنىڭ 78%-ن گازبەن قامتۋ جوسپارلانعان، – دەپ حابارلايدى Dalanews.kz.

قازىرگى تاڭدا وبلىستا 103 نىساننىڭ قۇرىلىسى ءجۇرىپ جاتىر. قالعان 35ء-ى كەلەر جىلعا وتپەلى.

سونىمەن قاتار، بۇگىندە قۇرىلىسى جۇرگىزىلىپ، ءبىراق ىسكە قوسىلماي تۇرعان گاز قۇبىرلارى مەن گاز تاراتۋشى ستانسيالارىن قايتا ىسكە قوسۋ جۇمىستارى قوسا اتقارىلىپ جاتىر.

جالپى تۇركىستان وبلىسىندا 1،5 ميلليوننان استام حالىق تابيعي گازبەن قامتىلعان. ياعني وڭىردەگى 833 ەلدى مەكەننىڭ 465ء-ى كوگىلدىر وتىنعا قوسىلعان.

الداعى 3 جىلدا 200 ەلدى مەكەندى تابيعي گازعا قوسىپ، وبلىستى گازبەن قامتۋ دەڭگەيىن 87%-عا جەتكىزۋ كوزدەلىپ وتىر.