Túrkistan oblysynda aǵymdaǵy jylǵa «Nurly jer» memlekettik turǵyn úı qurylysy baǵdarlamasy boıynsha 231 myń sharshy metrdi quraıtyn 3 413 páterli 64 turǵyn úıdiń qurylysy júrgizilýde.

Bıylǵy jyl sońyna deıin 177,6 myń sharshy metrlik 2 613 páterli 50 turǵyn úıdi paıdalanýǵa tapsyrý josparlanýda. Birinshi kezekte halyqtyń az qamtylǵan bóligin baspanamen qamtamasyz etýdi kózdep otyr eken.

Bul týraly Túrkistan oblysynyń ákimi Ómirzaq Shókeev QR Prezıdenti Joldaýyn iske asyrýǵa arnalǵan oblys aktıv jıynynda málimdedi.

Aǵymdaǵy jyly Túrkistan oblysy úshin turǵyn úıdi paıdalanýǵa tapsyrý jospary 550,6 myń sharshy metr, al qurylys jumystarynyń naqty kólem ındeksi 102% bolyp belgilendi.

2019 jyly qańtar-shilde aıynyń qorytyndysymen Túrkistan oblysy boıynsha barlyǵy 2950 páter tapsyryldy, onyń ishinde: 136 páter -qyzmettik turǵyn úı (7,7myń sh.m.); 840 páter – arendalyq turǵyn úı RB (56,5 myń sh.m.); 41 páter – arendalyq turǵyn úı JB (3,5 myń sh.m.); 1933 páter – jeke turǵyn úı qurylysy (268,7myń sh. m.).



Túrkistan oblysy ákiminiń baspasóz qyzmeti