بيىلعى جىل سوڭىنا دەيىن 177،6 مىڭ شارشى مەترلىك 2 613 پاتەرلى 50 تۇرعىن ءۇيدى پايدالانۋعا تاپسىرۋ جوسپارلانۋدا. ءبىرىنشى كەزەكتە حالىقتىڭ از قامتىلعان بولىگىن باسپانامەن قامتاماسىز ەتۋدى كوزدەپ وتىر ەكەن.
بۇل تۋرالى تۇركىستان وبلىسىنىڭ اكىمى ءومىرزاق شوكەيەۆ ق ر پرەزيدەنتى جولداۋىن ىسكە اسىرۋعا ارنالعان وبلىس اكتيۆ جيىنىندا مالىمدەدى.
اعىمداعى جىلى تۇركىستان وبلىسى ءۇشىن تۇرعىن ءۇيدى پايدالانۋعا تاپسىرۋ جوسپارى 550،6 مىڭ شارشى مەتر، ال قۇرىلىس جۇمىستارىنىڭ ناقتى كولەم يندەكسى 102% بولىپ بەلگىلەندى.
2019 جىلى قاڭتار-شىلدە ايىنىڭ قورىتىندىسىمەن تۇركىستان وبلىسى بويىنشا بارلىعى 2950 پاتەر تاپسىرىلدى، ونىڭ ىشىندە: 136 پاتەر -قىزمەتتىك تۇرعىن ءۇي (7،7مىڭ ش.م.)؛ 840 پاتەر – ارەندالىق تۇرعىن ءۇي رب (56،5 مىڭ ش.م.)؛ 41 پاتەر – ارەندالىق تۇرعىن ءۇي جب (3،5 مىڭ ش.م.)؛ 1933 پاتەر – جەكە تۇرعىن ءۇي قۇرىلىسى (268،7مىڭ ش. م.).
تۇركىستان وبلىسى اكىمىنىڭ باسپا ءسوز قىزمەتى
