Qarjylyq monıtorıń agenttigi jyl basynan beri Qazaqstan aýmaǵynda aınalymnan 1 060 jalǵan banknot tárkilengenin málimdedi, dep habarlaıdy Dalanews.kz.
Onyń ishinde:
- ulttyq valútada 647 100 teńge somasyna 141 kýpúra,
- 90 400 AQSH dollaryna 905 kýpúra,
- 2 000 eýroǵa 4 kýpúra,
- 1 000 ıýán somasyna 10 kýpúra anyqtaldy.
Tárkilengen jalǵan banknottardyń jalpy quny 43 mln teńgeden asady.
Sondaı-aq Qarjylyq monıtorıń agenttigi (QMA) Almatyda iri kólemdegi jalǵan 100 dollarlyq kýpúralardy ótkizý faktisin anyqtady.
"Bir top adam jalǵan kýpúralardy ótkizý áreketi kezinde ustaldy. Almatynyń eki turǵyny krıptovalúta satyp alý jeleýimen jalpy somasy 32 700 AQSH dollaryn quraıtyn jalǵan sheteldik kýpúrany birneshe ret satqan. Sot úkimimen istiń eki qatysýshysy kináli dep tanylyp, olarǵa 5 jyldan 5,5 jylǵa deıingi merzimge bas bostandyǵynan aıyrý jazasy taǵaıyndaldy", - deıdi QR QMA resmı ókili Álibek Ábdilov.
Sondaı-aq, el azamattarynan qolma-qol aqsha aınalymymen baılanysty azamattar men qarjylyq monıtorıń sýbektilerinen (EDB, aıyrbastaý pýnktteri, lombardtar jáne t.b.) jalǵan banknottar tabylǵan jaǵdaıda dereý QMA-nyń aýmaqtyq departamentterine habarlaý suralady, anonımdilikke kepildik beriledi.
"Jalpy, 2024 jyly jalǵan kýpúralardy jasap, ótkizgeni úshin 8 adam 5 jyldan 6 jylǵa deıingi merzimge bas bostandyǵynan aıyryldy", delingen 7 qazanda QMA jarıalaǵan habarlamada.
