Aýyl sharýashylyǵy ministrligi jelide trendke ainalǵan "Shain mýskat" júziminde aǵzaǵa ziiandy ziiankes tabylmaǵanyn málimdedi, - dep habarlaidy Dalanews.kz.
Aýyl sharýashylyǵy ministriniń tapsyrmasy boiynsha Qazaqstan Respýblikasy Aýyl sharýashylyǵy ministrligi AÓK-tegi memlekettik inspektsiia komitetiniń Respýblikalyq ósimdikter karantini ortalyǵynyń qyzmetkerleri karantindik fitosanitariialyq baqylaý kezinde júzim úlgilerine zerthanalyq saraptama júrgizdi.
Karantindik fitosanitarlyq qorytyndyǵa sáikes karantindik ziiankester tabylǵan joq.
Sondai-aq, Qazaqstan Respýblikasy Densaýlyq saqtaý ministrligi Sanitarlyq-epidemiologiialyq baqylaý komitetiniń "Ulttyq saraptama ortalyǵy" RMK-nyń Abai aýdany boiynsha filialy (Qytai Halyq Respýblikasymen shekarada) "Shine Muscat" nitratynyń quramy boiynsha zertteý júrgizildi, onyń qorytyndysy boiynsha ónimdegi nitrat mólsheri 13,7 mg/kg qurady, bul osy ónim úshin ruqsat etilgen kórsetkish.
Esterińizge sala keteiik, ósimdikter karantininiń negizgi maqsattary:
- Qazaqstan Respýblikasynyń aýmaǵyn basqa memleketterden nemese karantindik obektilerdiń karantindik aimaǵynan kirýden nemese derbes enýden qorǵaý;
- karantindik obektilerdi anyqtaý, oqshaýlaý jáne joiý, sondai-aq olardyń Qazaqstan Respýblikasynyń basqa óńirlerine enýine jol bermeý;
- Qazaqstan Respýblikasynyń ósimdikter karantini salasyndaǵy zańnamasynyń saqtalýyna memlekettik karantindik fitosanitariialyq baqylaýdy jáne qadaǵalaýdy júzege asyrý.
Eske salaiyq,depýtat Muqaev jurt jappai qymbat júzim satyp alyp jatqanyn synaǵan bolatyn.
Depýtat muny kórseqyzarlyq nemese marketing qurbany bolý dep baǵalady.
"Dýbai shokolady" degen shyǵyp edi, endi "káris júzimi" (Shein mýskat dei me) degen shyqty. Instaǵa kirip qalsań boldy, shyrt-pyrt dep jep otyrǵandar qatary kóbeidi. Sony jalpaq jurtqa jariialamai-aq jeýge bolady ǵoi... Kishkentai Dýbai shokoladynyń baǵasy 15-20 myń teńge bolyp edi, endi myna júzimniń kishkene bir bóligi 5-10 myń teńge desedi. "Aqsha joq-joq" deidi de, talap alyp jatyr halyq. Onyń quramynda ne bar, nesi paidaly, ne ziian, ol týraly basymyzdy aýyrtqymyz kelmeidi. Bastysy jurttan qalmaý kerek. Alla biledi, buny da 12/24 aiǵa bólip tóleitinder shyqsa tań qalmaimyn.
Aqshańyz artylyp jatsa, ala berińiz. Qarsylyǵym joq. Biraq elden, trendten qalmaiyn degen oi - ábestik. Odan da myna qońyr kúzde et jeńizder, sorpa ishińizder. Mine, naǵyz paidaly taǵam", - dedi ol.
Aita keteiik, buǵan deiin DALA INSIDE Dýbaidaǵy shokolad fabrikalary tolyq qýatta jumys istep jatqanyna, al olardyń ónimin qazaqtar talap áketip jatqany jóninde zertteý jariialaǵan edi.
"Dýbaidan jetkiziletin atyshýly shokoladtyń baǵasy 20 myń teńgege jetip otyr, al onyń shynaiy qundylyǵy bul somanyń jartysyna da tatymaidy.
Osynaý qubylys halyqtyń tutyný mádenietin ǵana emes, sonymen birge eldiń qarjylyq saýattylyǵy qandai deńgeide ekenin kórsetedi. Shokoladqa jumsalǵan 20 myń teńge, bir ǵana tutynýshy turǵysynan eleýli bolmaýy múmkin. Biraq, mundai tranzaktsiianyń sany eselengen saiyn, bul milliondaǵan teńgeniń shetelge aǵýyna alyp keledi. Sheteldik taýarǵa táýeldilik ulttyq kapitaldyń ishki naryqta turaqtaýyna kedergi jasaidy", - dep topshylaǵan edi arna.
