Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jetisýlyqtar Chernobyl apatynyń qurbandaryn eske aldy

Dalanews
Jetisýlyqtar Chernobyl apatynyń qurbandaryn eske aldy
Almaty oblysynda Chernobyl AES-indegi apattyń zardaptaryn joiýǵa qatysqan 602 azamat «Chernobyl apatyn zalalsyzdandyrýǵa qatysqany úshin» tósbelgisimen marapattaldy. Marapat búgin Taldyqorǵan qalasynda ótken Chernobyl apaty qurbandaryn eske alýǵa jáne Almaty oblystyq «Chernobyl ardagerleri men múgedekteri» qoǵamdyq birlestiginiń 25 jyldyǵyna arnalǵan «Erlikke taǵzym» atty saltanatty jiynda tapsyryldy, – dep habarlaidy Almaty oblysy ákiminiń baspasóz qyzmeti.

Eń aldymen jinalǵandar qurban bolǵandardy bir minýt únsizdikpen eske alyp, iri apattyń saldaryn joiýǵa qatysqandarǵa taǵzym etti.

Jiynda sóz alǵan oblys ákiminiń birinshi orynbasary Lazzat Turlashov Chernobyl apatyna bailanysty statistikalyq derekterdi atap ótti. Onyń aitýynsha, atom elektr stansasyndaǵy apat zardaptaryn joiýǵa 32 myńnan astam qazaqstandyq qatysqan. Sonyń ishinde Almaty oblysynyń 2 myńdai turǵyny bar.

– Prezidentimiz Nursultan Ábishuly Nazarbaevtyń basshylyǵymen elimiz táýelsizdikke qol jetkizgen tusta Memleket basshysy eń aldymen iadrolyq qarýdan bas tartyp, Semei poligonyn jabý týraly tarihi sheshim qabyldady. Óitkeni Chernobyl apaty búkil álemge atom energiiasynyń baqylaýdan shyǵyp ketse qandai kúige ushyratynyn kórsetip berdi. Sonymen qatar bul qaiǵyly oqiǵa óz ómirlerin aiamastan apattyń zardabyn joiýǵa atsalysqan adamdardyń erik-jigeri men batyrlyq úlgisin de tanyta aldy. Búgin biz chernobyldyq erlerdi eske alýǵa jinalyp otyrmyz. Árqaisylaryńyzdyń sol kezeńdegi is-áreketterińiz - búgingi urpaq úshin erliktiń úlgisi, – dedi L. Turlashov.

Osy taqyryptaǵy sózdi oblystyq qorǵanys isteri jónindegi departamenttiń basshysy Berlibek Beristemov, oblystyq tótenshe jaǵdailar departamenti Azamattyq qorǵanys basqarmasynyń basshysy Evgenii Jýkov, Qazaqstan Respýblikasy «Chernobyl ardagerleri» úilestirý keńesiniń tóraǵasy Baqytjan Áshirbaev, Almaty oblystyq «Chernobyl ardagerleri men múgedekteri» qoǵamdyq birlestiginiń tóraǵasy Mustafa Qusaiyn  jalǵastyrdy. Jastar atynan oblystyq jastar saiasaty ortalyǵy direktorynyń orynbasary Jandos Baiqamitov sóilep, chernobyldyq erlerdiń erlikteri jastardy otansúigishtikke, jigerli bolýǵa, adamzatty súiýge tárbieleitinin atap ótti. Osy kezdesýge qatysqandar qatarynda Semei qalasyndaǵy «Chernobyl múgedekteri» QB tóraǵasy Viniamin Slednikov, Qyzylorda oblystyq «Arý Ana» QB tóraiymy Raýshan Sarymsaqova, Almaty qalasyndaǵy «Erekshe táýekeldiń jaýyngerler bólimshesi» QB tóraǵasy Valerii Perminov jáne basqa da azamattar boldy.



Saltanatty shara marapattaý rásimimen jalǵasyp, tiisti marapattardy oblys ákiminiń birinshi orynbasary Lazzat Turlashov tabystady. Solardyń qatarynda Chernobyl apatynyń zardaptaryn joiýǵa qatysýshy retinde L. Turlashovqa da marapat berildi.

Jalpy 1986 jyly Chernobyl atom elektr stansasynda bolǵan iri apattyń zardaptaryn joiýǵa Almaty oblysynan 2 myńnan astam azamat attanǵan bolsa, búginde olardyń 602-si ortamyzda.

 

Almaty oblysy ákiminiń baspasóz qyzmeti
Almaty oblysy chernobyl apaty Lazzat Turlashov Chernobyl Viniamin Slednikov Raýshan Sarymsaqova Madina Sádýaqasova

Oqi otyryńyz