Biken Rimovanyń 100 jyldyq mereitoiy aiasynda aktrisanyń esimimen atalatyn teatrǵa 41 orynǵa arnalǵan «King long» markaly zamanaýi avtobýs satyp alýǵa oblystyq biýdjetten 65 mln teńge bólindi.
Teatrdyń gastroldik saparlarǵa jii shyǵatynyn eskersek, jańa avtobýs ártisterdiń alys-jaqyn jol júrýleri úshin qolaily bolsa, sol siiaqty kostiýmderin, rekvizitterin, dekoratsiialaryn tasymaldaýdy aitarlyqtai jeńildetedi.
Máselen, jaqyn arada teatr ujymy Qaraǵandyda ótken Qalibek Qýanyshbaevtyń 130 jyldyǵyna arnalǵan «Syn shyn bolsyn» atty respýblikalyq teatr festivaline qatysyp, M.Sebastiannyń «Aty joq juldyz» lirikalyq dramasyn usynyp, II orynǵa ie boldy.
Shyǵarmashylyq ujym múshelerimen áńgimelesken óńir basshysy Beibit Isabaev teatrdyń qoǵamnyń adamgershilik rýhyndaǵy tárbiesine jáne jalpy mádeni damýyndaǵy róline toqtalyp ótti.
– Adam teatrǵa kelgende, jany demalyp, rýhani jańǵyryp qaitady. Qazir kóp ýaqytyn áleýmettik jelilerde ótkizetin jas urpaq úshin teatrdaǵy sheksiz emotsiia, saýatty sóileý máneriniń tárbiesi asa mańyzdy.
Teatr jáne kino aktrisasy Biken Rimovanyń 100 jyldyq mereitoiy aiasynda ótetin «BIKEN» I Halyqaralyq teatr festivalin sizdermen birge laiyqty deńgeide ótkizemiz dep oilaimyn, bul is-shara ulttyq dástúrler men qundylyqtardy saqtaýǵa, qazaq teatry men ónerin damytýǵa mańyzdy úles qosady, eń bastysy teatrǵa kórermen tartýǵa zor yqpal etedi, – dedi Beibit. Isabaev.
Munan keiin shara Almaty qalasynan kelgen «Sazgen sazy» folklorlyq-etnografiialyq ansambliniń kontsertimen jalǵasty.
Kórkemdik jetekshisi – Qazaqstannyń eńbek sińirgen qairatkeri, «Qurmet» ordeniniń iegeri Baǵdat Tilegenov. Belgili mýzykalyq ujym Jetisý turǵyndaryna folklorlyq sazǵa toly «Ǵasyr sazy» dep atalatyn jandy kontserttik baǵdarlama usyndy. Is-sharaǵa «Jetisý sazy» FEA da qatysty.
Foto: Rýslan Qadyrov
