Jetisýdyń bas politseii: «Jelidegi jurtpen ashyq dialog qurýǵa ázirmin»
Kúni keshe Qazaqstan Prezidenti Qasym-Jomart Toqaev jurtpen jaqyndasý úshin bilik butaǵyndaǵy barlyq azamattardyń áleýmettik jelige tirkelýi mańyzdy ekenin aitqan.
Tvitterinde el ómirindegi ózgerister men álem nazaryndaǵy taqyryptardan tys qalmai, oiyn ortaǵa salyp úirengen Toqaev áleýmettik jeliniń qoǵamdyq pikirdi toqailastyratyn alańǵa ainalǵanyna áldeqashan kózi jetken.
Prezident tapsyrmasynan keiin óńirlerdegi barlyq ákimder áleýmettik jelige tirkelip, resmi paraqshalaryn ashty. Buǵan aýdan-aýyl ákimderi qosylyp, basqarma basshylary qostap, ainalasy bir aptanyń ishinde jelige tirkeldi.
Politsiia basshylarynyń arasyndaǵy alǵashqy bolyp Almaty oblystyq politsiia departamentiniń basshysy, general-maior Murat Urumhanov áleýmettik jeliden óz paraqshasyn ashyp, ózge áriptesterine úlgi kórsetti.
Paraqshany tirkep qoiý bólek, ony júrgizý, jurttyń saýalyna jaýap berý – úlken jaýapkershilik.
General Urumhanovtyń bul oraida resmilikke urynbai, Almaty óńiriniń turǵyndaryn ashyq dialogqa shaqyrǵany jelidegi jurttyń kóńilinen shyqty.
Murat Urumhanov qyzmettik tikelei telefon nómirin jariialap, «tikelei jelide» azamattardyń ótinishteri men usynystaryn tyńdaýǵa daiyn ekenin jetkizdi.
«HHI ǵasyr – jańa tehnologiialar men internet ǵasyry. Barlyǵymyz da ýaqyt talabyna sáikes áreket etýimiz qajet. Belsendi bolý, azamattarmen dialog qurý, ásirese áleýmettik jelilerde bailanys ornatý – zamanaýi talap.
Osyǵan orai, Facebook jelisindegi meniń atyma ashylǵan paraqsha ashyq dialog qurýǵa jáne halyqpen keleli bailanys ornatýǵa kómektesetini anyq.
Sondai-aq tyǵyz qarym-qatynas ornatý úshin azamattar politsiia qyzmetin odan ári jaqsartý týraly usynystaryn 8-7282-608001 nómiri arqyly maǵan tikelei qońyraý soǵý arqyly aita alady», – dep jazdy Murat Urumhanov paraqshasyndaǵy alǵashqy postynda.
Budan bólek, politsiia basshysy óziniń jáne orynbasarlarynyń departamenttegi, Quqyq qorǵaý qyzmeti ortalyǵyndaǵy jáne «Nur Otan» partiiasyndaǵy azamattardy qabyldaý kestesi týraly jazǵan.
