Búginde Taldyqorǵan qalasy boiynsha 300 adamǵa, onyń ishinde 54 balaǵa ońaltý qyzmeti kórsetilýde. Bul týraly búgin QR Prezidenti janyndaǵy Ortalyq kommýnikatsiialar qyzmeti alańynda ótken brifingide Jetisý oblysynyń ákimi Beibit Isabaev aitty, – dep habarlaidy Jetisý oblysy ákiminiń baspasóz qyzmeti.
Baiandamashynyń sózine súiensek, Alakól kóliniń jaǵalaýynda 6-18 jas aralyǵyndaǵy múgedektigi bar balalarǵa arnalǵan 35 oryndyq saýyqtyrý jazǵy lageri retinde jumys istei bastaǵan. Sonymen qatar kelesi jyly Taldyqorǵanda 150 oryndyq Ońaltý ortalyǵynyń qurylysyn bastaý josparlanyp otyr.
– Biyl jergilikti biýdjet qarajaty esebinen jáne demeýshiler kómegimen 14 Invataksi satyp alyndy. Sóitip invataksi sany 36-ǵa jetti, – dedi B. Isabaev.
Jetisý oblysy ákiminiń baspasóz qyzmeti
