تالدىقورعان قالاسىندا بيىل «قامقورلىق» قورىمەن بىرلەسىپ ءاۋتيزمى جانە باسقا دا اقىل-وي كەمىستىگى بار بالالارعا ارنالعان ورتالىق جانە مۇگەدەكتىگى بار ازاماتتارعا ارنالعان «اسار» سپورتتىق-وڭالتۋ كەشەنى اشىلدى.

بۇگىندە تالدىقورعان قالاسى بويىنشا 300 ادامعا، ونىڭ ىشىندە 54 بالاعا وڭالتۋ قىزمەتى كورسەتىلۋدە. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتى الاڭىندا وتكەن بريفينگىدە جەتىسۋ وبلىسىنىڭ اكىمى بەيبىت يسابايەۆ ايتتى، – دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.

بايانداماشىنىڭ سوزىنە سۇيەنسەك، الاكول كولىنىڭ جاعالاۋىندا 6-18 جاس ارالىعىنداعى مۇگەدەكتىگى بار بالالارعا ارنالعان 35 ورىندىق ساۋىقتىرۋ جازعى لاگەرى رەتىندە جۇمىس ىستەي باستاعان. سونىمەن قاتار كەلەسى جىلى تالدىقورعاندا 150 ورىندىق وڭالتۋ ورتالىعىنىڭ قۇرىلىسىن باستاۋ جوسپارلانىپ وتىر.

– بيىل جەرگىلىكتى بيۋدجەت قاراجاتى ەسەبىنەن جانە دەمەۋشىلەر كومەگىمەن 14 ينۆاتاكسي ساتىپ الىندى. ءسويتىپ ينۆاتاكسي سانى 36-عا جەتتى، – دەدى ب. يسابايەۆ.

جەتىسۋ وبلىسى اكىمىنىڭ باسپا ءسوز قىزمەتى