Óńirdegi 12 aýyl oblys qurylǵannan keiin gazdandyryldy. 2023 jyldyń sońyna deiin taǵy 18 eldi meken gazǵa qosylady.
Bul jaiynda búgin jýrnalisterge brifing barysynda Jetisý oblysynyń ákimi Beibit Isabaev aitty.
Oblys ákimniń aitýynsha, Prezidenttiń tapsyrmasyn oryndaý aiasynda 2025 jylǵa qarai Kerbulaq aýdanynan Taldyqorǵanǵa deiingi barlyq eldi mekender gazdandyrylatyn bolady. Sonyń nátijesinde 506,6 myńnan astam turǵyn nemese jetisýlyqtardyń 71,7% kógildir otynǵa qosylýǵa múmkindik alady.
– Osy maqsatta «Taldyqorǵan – Úsharal» magistraldy gaz qubyry qurylysynyń JSQ-sy daiyndalýda. Aqsý, Sarqan, Alakól aýdandaryndaǵy 124 myń halqy bar taǵy 66 eldi mekendi gazdandyramyz. Jobanyń 2024-2028 jyldary iske asyrylady, – dedi Beibit Isabaev.
