Jetisý oblysynyń turǵyndary «Taza Qazaqstan» ekologiialyq aktsiiasynyń «Jasyl aimaq» aptalyǵynyń aiasynda 22 myń túp aǵash otyrǵyzdy, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Oblystyq energetika jáne turǵyn úi kommýnaldyq sharýashylyǵy basqarmasynyń málimetinshe, ekologiialyq aktsiiaǵa 80 myńnan astam belsendi azamat atsalysqan. «Qazirgi tańda 22 myń túp aǵash otyrǵyzylyp, 3 myń tonnadan astam qoqys shyǵaryldy. Oǵan 619 arnaiy tehnika jumyldyryldy. Búgingi bir kúnniń ózinde ekologiialyq aktsiia aiasynda 1000 túp jasyl jelek otyrylǵyzyldy», - delingen basqarma habarlamasynda.
Jalpy jyl sońyna deiin oblys aýmaǵynda 115 myń túp aǵash egý josparlanyp otyr. Sonyń 5 myńy Taldyqorǵan qalasynda otyrǵyzylsa, 42 myńnan astamy kóktem ailarynda, 32 myńǵa jýyǵy kúzde egiledi. Qalǵan 35 myńnan astamy ekologiialyq aktsiia aiasynda demeýshilik qarajat esebinen otyrǵyzylýda.
Eske salsaq, aktsiianyń 5-shi aptasy «Móldir bulaq» dep atalady. Bul aptadaǵy jumys óńirdegi bulaqtardyń kózin ashýǵa, ózen arnalaryn tazartýǵa baǵyttalady.
