جەتىسۋ وبلىسىنىڭ تۇرعىندارى «تازا قازاقستان» ەكولوگيالىق اكسياسىنىڭ «جاسىل ايماق» اپتالىعىنىڭ اياسىندا 22 مىڭ ءتۇپ اعاش وتىرعىزدى، – دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.
وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنىڭ مالىمەتىنشە، ەكولوگيالىق اكسياعا 80 مىڭنان استام بەلسەندى ازامات اتسالىسقان. «قازىرگى تاڭدا 22 مىڭ ءتۇپ اعاش وتىرعىزىلىپ، 3 مىڭ توننادان استام قوقىس شىعارىلدى. وعان 619 ارنايى تەحنيكا جۇمىلدىرىلدى. بۇگىنگى ءبىر كۇننىڭ وزىندە ەكولوگيالىق اكسيا اياسىندا 1000 ءتۇپ جاسىل جەلەك وتىرىلعىزىلدى»، - دەلىنگەن باسقارما حابارلاماسىندا.
جالپى جىل سوڭىنا دەيىن وبلىس اۋماعىندا 115 مىڭ ءتۇپ اعاش ەگۋ جوسپارلانىپ وتىر. سونىڭ 5 مىڭى تالدىقورعان قالاسىندا وتىرعىزىلسا، 42 مىڭنان استامى كوكتەم ايلارىندا، 32 مىڭعا جۋىعى كۇزدە ەگىلەدى. قالعان 35 مىڭنان استامى ەكولوگيالىق اكسيا اياسىندا دەمەۋشىلىك قاراجات ەسەبىنەن وتىرعىزىلۋدا.
ەسكە سالساق، اكسيانىڭ 5ء-شى اپتاسى «ءمولدىر بۇلاق» دەپ اتالادى. بۇل اپتاداعى جۇمىس وڭىردەگى بۇلاقتاردىڭ كوزىن اشۋعا، وزەن ارنالارىن تازارتۋعا باعىتتالادى.
