Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Jetisýda jańartylǵan energiia kózderi kóbeiip keledi

Dalanews
Jetisýda jańartylǵan energiia kózderi kóbeiip keledi
Almaty oblysynda «jasyl» energetikany odan ári damytýǵa jáne ózimizde óndiriletin elektr energiiasy kólemin ulǵaitýǵa yqpal etetin, qýaty 50 MVt bolatyn jel elektr stansasy salynýda. Nysan Sarqan aýdanynyń aýmaǵynda ornalasady. Jalpy búgingi kúni Jetisý aimaǵynda jańartylǵan energiia kóziniń 31 nysany bar, olardyń jalpy qýaty – 317,67 MVt, sonyń 18-i – sý elektr stansasy, 7-eýi – jel elektr stansasy, 6-ýy – kún elektr stansasy. Oblystyń elektr tutyný  qajettiligi 589,48 MVt, sonyń 382 MVt ózimizde óndiriledi, onyń 72 MVt-y jańartylǵan energiia kózderiniń úlesinde, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Sarqan aýdandyq ákimdiginiń málimetine qaraǵanda Lepsi óńirindegi JES – qazirgi kezde aýdan aýmaǵynda iske asyrylyp jatqan iri investitsiialyq jobalardyń biri. «Abai-2 JES» JShS ókilderi qurylys jumystaryn 2019 jyldan bastaǵan, 2022 jyly aiaqtalady dep josparlap otyr. Mańyzdy nysanǵa eń aldymen jol tartyldy, qazir mamandar qondyrǵylardyń irgetasyn quiýda. Qurylys alańynda 100-ge tarta adam adam jumys isteidi.

–  Bul – qýaty 50 MVt-tan asatyn jańa JES. Jyl sońyna deiin alǵashqy 6 jel qondyrǵysy ornatylyp, iske qosylady, – dedi aýdan ákimi Talǵat Qainarbekov.

Atap ótsek, JES Lepsi aýylynan 80 shaqyrym jerdegi jazyqta ornalasqan. Onda árqaisysynyń qýaty 3,2 MVt bolatyn 16 jel qondyrǵysy bolady, baǵanalardyń biiktigi 100 metrge, jel dóńgelekteriniń qalaqtarynda 70 metrge jetedi.  Nysannyń salynýy arqasynda aýdanǵa 19,3 mlrd. teńge investitsiia tartyldy.

Jalpy 2021-2025 jyldary iske qosylýy tiis Almaty oblysyndaǵy jańartylǵan energiia kózderi nysandarynyń tizbesine jalpy qýaty 424 MVt bolatyn 27 joba kiredi (GES – 15, JES – 9, KES – 1, BIOES – 2).   Bul jobalardy iske asyrý aimaqtyń ózi óndiretin jańartylǵan energiia kózderiniń úlesin 2025 jylǵa qarai 42%-ke deiin arttyrady.
Jetisý Sarqan Jasyl energetika jel elektr stansasy jańartylǵan energiia kózderi Madina Sádýaqasova

Oqi otyryńyz