جەتٸسۋدا جاڭارتىلعان ەنەرگييا كٶزدەرٸ كٶبەيٸپ كەلەدٸ
سارقان اۋداندىق ەكٸمدٸگٸنٸڭ مەلٸمەتٸنە قاراعاندا لەپسٸ ٶڭٸرٸندەگٸ جەس – قازٸرگٸ كەزدە اۋدان اۋماعىندا ٸسكە اسىرىلىپ جاتقان ٸرٸ ينۆەستيتسييالىق جوبالاردىڭ بٸرٸ. «اباي-2 جەس» جشس ٶكٸلدەرٸ قۇرىلىس جۇمىستارىن 2019 جىلدان باستاعان, 2022 جىلى اياقتالادى دەپ جوسپارلاپ وتىر. ماڭىزدى نىسانعا ەڭ الدىمەن جول تارتىلدى, قازٸر ماماندار قوندىرعىلاردىڭ ٸرگەتاسىن قۇيۋدا. قۇرىلىس الاڭىندا 100-گە تارتا ادام ادام جۇمىس ٸستەيدٸ.
– بۇل – قۋاتى 50 مۆت-تان اساتىن جاڭا جەس. جىل سوڭىنا دەيٸن العاشقى 6 جەل قوندىرعىسى ورناتىلىپ, ٸسكە قوسىلادى, – دەدٸ اۋدان ەكٸمٸ تالعات قايناربەكوۆ.
اتاپ ٶتسەك, جەس لەپسٸ اۋىلىنان 80 شاقىرىم جەردەگٸ جازىقتا ورنالاسقان. وندا ەرقايسىسىنىڭ قۋاتى 3,2 مۆت بولاتىن 16 جەل قوندىرعىسى بولادى, باعانالاردىڭ بيٸكتٸگٸ 100 مەترگە, جەل دٶڭگەلەكتەرٸنٸڭ قالاقتارىندا 70 مەترگە جەتەدٸ. نىساننىڭ سالىنۋى ارقاسىندا اۋدانعا 19,3 ملرد. تەڭگە ينۆەستيتسييا تارتىلدى.
جالپى 2021-2025 جىلدارى ٸسكە قوسىلۋى تيٸس الماتى وبلىسىنداعى جاڭارتىلعان ەنەرگييا كٶزدەرٸ نىساندارىنىڭ تٸزبەسٸنە جالپى قۋاتى 424 مۆت بولاتىن 27 جوبا كٸرەدٸ (گەس – 15, جەس – 9, كەس – 1, بيوەس – 2). بۇل جوبالاردى ٸسكە اسىرۋ ايماقتىڭ ٶزٸ ٶندٸرەتٸن جاڭارتىلعان ەنەرگييا كٶزدەرٸنٸڭ ٷلەسٸن 2025 جىلعا قاراي 42%-كە دەيٸن ارتتىرادى.
