Jetisý oblysynyń ákimi Beıbit Isabaev bıyl Jetisý óńirinde oblystyq mańyzy bar 221 shaqyrym jol jáne 73 eldi mekendegi 247 shaqyrym aýyl ishindegi joldardyń qurylysy men jóndeý jumystaryna 33 mlrd teńge bólingenin aıtty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

– Ekonomıkany damytý men halyqtyń ómir súrý sapasyn jaqsartýdaǵy mańyzdy salalardyń biri – jol ınfraqurylymy. 2022 jyly óńirde oblystyq mańyzy bar 198 shaqyrym jol, 63 eldi mekende 190 shaqyrym  aýyl ishindegi jolǵa 24,2 mlrd teńgege jóndelip, salyndy.

Qazir óńirdegi jaqsy jáne qanaǵattanarlyq jaǵdaıdaǵy joldardyń úlesi –  91%-dy quraıdy. Bıyl oblystyq mańyzy bar 221 shaqyrym joldyń jáne 73 eldi mekende 247 shaqyrym aýyl ishindegi joldardyń qurylysy men jóndeýine 33 mlrd teńge bólindi.

Sonymen birge Memleket basshysynyń tapsyrmasyn oryndaý aıasynda 15 apatty kópirge jóndeý júrgizý josparlanǵan, osy jyly jergilikti búdjetten sonyń 5-eýin jóndeýge 928 mln teńge bólinip otyr, – dedi Beıbit Isabaev.