Jetisý oblysynda biyl 77 kópqabatty úidiń shatyry jańartylýda,- dep habarlaidy Dalanews.kz
Óńirde «Taza Qazaqstan» baǵdarlamasyna sáikes eldi mekender aýmaǵyn abattandyrý, sonyń ishinde ǵimarattar men qurylystardyń syrtqy kelbetiniń talaptarǵa sai bolýyna kóp kóńil bólinýde. Bul rette Aqsý aýdanynda 15 shatyr, Qaratal aýdanynda 5, Kóksý aýdanynda 11, Tekeli qalasynda 7, Taldyqorǵan qalasynda 39 shatyrdy jóndeý josparlanǵan. Búgingi kúnge sonyń 30-ynda qurylys jumystary aiaqtaldy.
Shatyr jóndeýde eń kóp joba Taldyqorǵan qalasyna tiesili. Jalpy qala ákimdiginiń málimetine sáikes, oblys ortalyǵynda 800-den astam kóp qabatty úi bar. Olardyń kópshiligi 1970-1980 jyldary salynǵan. Osyǵan bailanysty turǵyndar qaýipsizdigin qamtamasyz etý men ómir súrý sapasyn jaqsartý maqsatynda shatyr jóndeý jumystary kezeń-kezeńimen atqarylýda.
- Kóp qabatty turǵyn úilerdiń shatyryn jóndeý jumystary 2023 jyldan beri qolǵa alynyp keledi. Aldyńǵy jyly 1950-1970 jyldar aralyǵynda salynǵan 13 úidiń, al ótken jyly 28 úidiń shatyr jańardy. Biyl 1968-1992 jyldar aralyǵynda turǵyzylǵan 39 úidiń shatyryna aǵymdaǵy jóndeý jasalady, sonyń 17-sinde jumys júrip jatyr, - dedi Taldyqorǵan qalasy ákiminiń orynbasary Qýanysh Seitimetov.
Shatyry jańaratyn úilerdiń biri - Taldyqorǵandaǵy Jansúgirov kóshesi, 78-úi.
- Munda qazir bizdiń kompaniianyń 6 qurylysshysy jumys isteýde. Qurylys alańynyń kólemi - 1140 sharshy metr. Jumysshylar tozyǵy jetken shiferdi, onyń astyndaǵy shirigen aǵashtaryn alyp, tolyqtai jańalap jatyr. Jumystar on kúnniń ishinde bitedi dep josparlap otyrmyz, - merdiger uiymnyń brigadiri Aidos Baibolov.
«Turǵyn úiimizdiń shatyry aýystyrylatynyn estigende qýandyq. Bul úide negizinen egde jastaǵy adamdar turady, sondyqtan shatyrdy óz kúshimizben jańartý biz úshin ońaiǵa soqpas edi. Bizdiń osy túitkildi máselemizdi ońynan sheship, shatyrymyzdy jóndep berip jatqandaryńyzǵa úlken rahmet aitamyz, - deidi turǵyn Natalia Iakýsheva.
