جەتٸسۋ وبلىسىندا بيىل 77 كٶپقاباتتى ٷيدٸڭ شاتىرى جاڭارتىلۋدا,- دەپ حابارلايدى Dalanews.kz
ٶڭٸردە «تازا قازاقستان» باعدارلاماسىنا سەيكەس ەلدٸ مەكەندەر اۋماعىن اباتتاندىرۋ, سونىڭ ٸشٸندە عيماراتتار مەن قۇرىلىستاردىڭ سىرتقى كەلبەتٸنٸڭ تالاپتارعا ساي بولۋىنا كٶپ كٶڭٸل بٶلٸنۋدە. بۇل رەتتە اقسۋ اۋدانىندا 15 شاتىر, قاراتال اۋدانىندا 5, كٶكسۋ اۋدانىندا 11, تەكەلٸ قالاسىندا 7, تالدىقورعان قالاسىندا 39 شاتىردى جٶندەۋ جوسپارلانعان. بٷگٸنگٸ كٷنگە سونىڭ 30-ىندا قۇرىلىس جۇمىستارى اياقتالدى.
شاتىر جٶندەۋدە ەڭ كٶپ جوبا تالدىقورعان قالاسىنا تيەسٸلٸ. جالپى قالا ەكٸمدٸگٸنٸڭ مەلٸمەتٸنە سەيكەس, وبلىس ورتالىعىندا 800-دەن استام كٶپ قاباتتى ٷي بار. ولاردىڭ كٶپشٸلٸگٸ 1970-1980 جىلدارى سالىنعان. وسىعان بايلانىستى تۇرعىندار قاۋٸپسٸزدٸگٸن قامتاماسىز ەتۋ مەن ٶمٸر سٷرۋ ساپاسىن جاقسارتۋ ماقساتىندا شاتىر جٶندەۋ جۇمىستارى كەزەڭ-كەزەڭٸمەن اتقارىلۋدا.
- كٶپ قاباتتى تۇرعىن ٷيلەردٸڭ شاتىرىن جٶندەۋ جۇمىستارى 2023 جىلدان بەرٸ قولعا الىنىپ كەلەدٸ. الدىڭعى جىلى 1950-1970 جىلدار ارالىعىندا سالىنعان 13 ٷيدٸڭ, ال ٶتكەن جىلى 28 ٷيدٸڭ شاتىر جاڭاردى. بيىل 1968-1992 جىلدار ارالىعىندا تۇرعىزىلعان 39 ٷيدٸڭ شاتىرىنا اعىمداعى جٶندەۋ جاسالادى, سونىڭ 17-سٸندە جۇمىس جٷرٸپ جاتىر, - دەدٸ تالدىقورعان قالاسى ەكٸمٸنٸڭ ورىنباسارى قۋانىش سەيتٸمەتوۆ.
شاتىرى جاڭاراتىن ٷيلەردٸڭ بٸرٸ - تالدىقورعانداعى جانسٷگٸروۆ كٶشەسٸ, 78-ٷي.
- مۇندا قازٸر بٸزدٸڭ كومپانييانىڭ 6 قۇرىلىسشىسى جۇمىس ٸستەۋدە. قۇرىلىس الاڭىنىڭ كٶلەمٸ - 1140 شارشى مەتر. جۇمىسشىلار توزىعى جەتكەن شيفەردٸ, ونىڭ استىنداعى شٸرٸگەن اعاشتارىن الىپ, تولىقتاي جاڭالاپ جاتىر. جۇمىستار ون كٷننٸڭ ٸشٸندە بٸتەدٸ دەپ جوسپارلاپ وتىرمىز, - مەردٸگەر ۇيىمنىڭ بريگاديرٸ ايدوس بايبولوۆ.
«تۇرعىن ٷيٸمٸزدٸڭ شاتىرى اۋىستىرىلاتىنىن ەستٸگەندە قۋاندىق. بۇل ٷيدە نەگٸزٸنەن ەگدە جاستاعى ادامدار تۇرادى, سوندىقتان شاتىردى ٶز كٷشٸمٸزبەن جاڭارتۋ بٸز ٷشٸن وڭايعا سوقپاس ەدٸ. بٸزدٸڭ وسى تٷيتكٸلدٸ مەسەلەمٸزدٸ وڭىنان شەشٸپ, شاتىرىمىزدى جٶندەپ بەرٸپ جاتقاندارىڭىزعا ٷلكەن راحمەت ايتامىز, - دەيدٸ تۇرعىن ناتاليا ياكۋشەۆا.
