Jetisý oblysynda Alǵys aitý kúnine orai «Alǵys kerýeni» bastaldy. Shara aiasynda oblystyq Qazaqstan halqy Assambleiasynyń qurylymdyq bólimshesiniń biri «Jomart jan» ortalyǵy men óńirdiń isker áielder keńesi 100 otbasyǵa qaiyrymdylyq kómek jasady,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jalpy, óńirde Alǵys aitý kúnine orai birqatar is-sharalar uiymdastyryldy.
Aldymen qalyptasqan dástúr boiynsha jurtshylyq Qaratal aýdanynyń Bastóbe aýylynda ornalasqan «Qazaq halqyna myń alǵys» monýmentine gúl shoqtaryn qoiý rásimine qatysty. Óńir basshysynyń atynan jiynǵa qatysýshylardy oblys ákiminiń orynbasary Dias Esdáýletov quttyqtady.
Sol siiaqty monýment aldyndaǵy jiynda oblystyq korei etnomádeni birlestiginiń aqsaqaldar keńesiniń tóraǵasy Viktor Pak sóz aldy.
"Sonaý 30 jyldardaǵy qasiretti jyldardyń jańǵyryǵy jyldar óte alystaǵanymen, áli jadymyzda. Qazaqstanǵa 130 myńnan astam korei ókilderi qonys aýdardy. Azap tartyp, ashtyq kórip, Otanynan jyraqtaǵan bizdiń ata-babalarymyzdy qazaq halqy ózderi de qiynshylyq kórip otyrǵanyna qaramastan qushaǵyn ashyp, qolynda barymen bólisti, baspana salýǵa, turmysyn túzeýge kómektesti. Deportatsiialanǵan halyq sonyń arqasynda bótendik kórgen joq, qazaq jerin óz Otanyndai qabyldady. Sondyqtan 1 naýryz Alǵys aitý kúninde barsha qazaq halqyna alǵys aitamyn", - dedi ol.
Bul merekede ardagerler de nazardan tys qalǵan joq. Oblys ákiminiń orynbasary Dias Esdáýletov Assambleianyń 20 ardagerin jáne Uly Otan soǵysynyń 3 ardagerin quttyqtap, oblys basshylyǵynyń atynan izgi tilegin bildirdi.
Osy kúni Assambleia músheleri «Bizdiń balalarymyz» aktsiiasynyń aiasynda jas analardy quttyqtaý úshin oblystyq perinataldyq ortalyqqa arnaiy baryp, osy kúni ómirge kelgen nárestelerge qajetti jiyntyqtardy syiǵa tartty. Qurmetke ie bolǵan áiel-analardyń biri Ásem Maldybekova jeti uldan keiin búgin segizinshi perzenti – qyz balany ómirge ákeldi.
"Úlken ulymyz 11 synypta oqidy, al kishimiz 1 jasta. Endi, mine, otbasymyz kishkentai nárestemen tolyǵyp jatyr. Kúieýim júk kóliginiń júrgizýshisi. Qyzymyzdyń esimin qalai qoiamyz dep aqyldasyp jatyrmyz. Iltipat degen at qoisaq pa degen oiymyz bar. Bizge búgin syi-qurmet kórsetip jatqan barsha azamattarǵa alǵys aitamyn", - deidi Á. Maldybekova.
Sondai-aq búgin oblys kóleminde barlyq aýdan-qalalarda az qamtylǵan 100 otbasyna qaiyrymdylyq is-sharalary kórsetildi.
Eske salsaq, Qazaqstan halqy Assambleiasynyń qurylǵanyna 30 jyl tolýyna bailanysty 70-ten astam keshendi is-sharalar ótkizý josparlanyp, sol qatarda búgin Taldyqorǵandaǵy Dostyq úiinde eskertkish taqta ornatyldy.
