Jetisýda agroónerkásip kesheniniń qaita óńdelgen ónimderiniń eksporty 25% ósti
Jetisý óńirinde ótken jylmen salystyrǵanda mal men qus sany orta eseppen 2 protsentke ósken. Mal qystatý úshin oblys jem-shóppen tolyq qamtamasyz etilip, 5,3 mln.tonna azyq daiyndaldy. Jetisýlyqtar Mańǵystaý oblysynyń zardap shekken fermerlerine gýmanitarlyq kómek retinde 54 vagon shóp jóneltken.
– Barlyǵy 74,1 myń basqa arnalǵan 117 mal bordaqylaý alańy jáne 26,1 myń basqa arnalǵan 84 taýarly sút fermasy jumys isteidi, sonyń esebinen et óńdeý kásiporyndarynyń júktemesi 72%-ke, sút zaýyttarynyń júktemesi 85%-ke jetti, – dedi oblys ákimi Amandyq Batalov.
Atap ótsek, áleýmettik mańyzy bar azyq-túlik taýarlarynyń baǵalaryn turaqtandyrý maqsatynda biylǵy jyldyń qyrkúieginde Úkimet qabyldaǵan 2021-2024 jyldarǵa arnalǵan infliatsiiaǵa qarsy áreket etýdiń keshendi is-sharalary óńirde júzege asyrylyp keledi. Turaqtandyrý qoryn quryp, jeńildikpen kredit berý úshin jergilikti biýdjetten qosymsha 1,7 mlrd teńge bólindi, onyń jalpy somasy 3,7 mlrdteńgeni quraidy. Sonyń 3 mlrd teńgesi – 0,01%-pen kásipkerlik sýbektilerin jeńildikpen nesielendirýge jáne 700 mln teńgesi 8,7 myń tonna ónim satyp alýǵa baǵyttaldy.
