جەتىسۋ وڭىرىندە وتكەن جىلمەن سالىستىرعاندا مال مەن قۇس سانى ورتا ەسەپپەن 2 پروسەنتكە وسكەن. مال قىستاتۋ ءۇشىن وبلىس جەم-شوپپەن تولىق قامتاماسىز ەتىلىپ، 5،3 ملن.توننا ازىق دايىندالدى. جەتىسۋلىقتار ماڭعىستاۋ وبلىسىنىڭ زارداپ شەككەن فەرمەرلەرىنە گۋمانيتارلىق كومەك رەتىندە 54 ۆاگون ءشوپ جونەلتكەن.
– بارلىعى 74،1 مىڭ باسقا ارنالعان 117 مال بورداقىلاۋ الاڭى جانە 26،1 مىڭ باسقا ارنالعان 84 تاۋارلى ءسۇت فەرماسى جۇمىس ىستەيدى، سونىڭ ەسەبىنەن ەت وڭدەۋ كاسىپورىندارىنىڭ جۇكتەمەسى 72%-كە، ءسۇت زاۋىتتارىنىڭ جۇكتەمەسى 85%-كە جەتتى، – دەدى وبلىس اكىمى اماندىق باتالوۆ.
اتاپ وتسەك، الەۋمەتتىك ماڭىزى بار ازىق-تۇلىك تاۋارلارىنىڭ باعالارىن تۇراقتاندىرۋ ماقساتىندا بيىلعى جىلدىڭ قىركۇيەگىندە ۇكىمەت قابىلداعان 2021-2024 جىلدارعا ارنالعان ينفلياسياعا قارسى ارەكەت ەتۋدىڭ كەشەندى ءىس-شارالارى وڭىردە جۇزەگە اسىرىلىپ كەلەدى. تۇراقتاندىرۋ قورىن قۇرىپ، جەڭىلدىكپەن كرەديت بەرۋ ءۇشىن جەرگىلىكتى بيۋدجەتتەن قوسىمشا 1،7 ملرد تەڭگە ءبولىندى، ونىڭ جالپى سوماسى 3،7 ملردتەڭگەنى قۇرايدى. سونىڭ 3 ملرد تەڭگەسى – 0،01%-پەن كاسىپكەرلىك سۋبەكتىلەرىن جەڭىلدىكپەن نەسيەلەندىرۋگە جانە 700 ملن تەڭگەسى 8،7 مىڭ توننا ءونىم ساتىپ الۋعا باعىتتالدى.
