Taldyqorǵanda «Qamqor» arnaýly áleýmettik qyzmet kórsetý ortalyǵynyń bazasynda 18 jastan asqandar úshin 50 tósek-orynǵa arnalǵan bólimshe ashyldy. Bul 2023 jyly oblys ákimi Beibit Isabaevqa «Qamqor» ortalyǵynda tárbielenip otyrǵan balalardyń ata-analarynyń aitqan ótinishi boiynsha jasaldy, – dep habarlaidy Dalanews.kz.
Ortalyqtyń aýmaǵyn abattandyrý jumystary júrgizildi, oǵan 12,8 mln teńge bólingen. Eresekter bos ýaqytyn tiimdi ótkizýi úshin besedkalar, serýen alańy, sahna, vorkaýt alańy jasalynyp, kótergish lift ornatyldy. Budan bólek, osy jyldyń ekinshi toqsanynda 16 mln teńgege jýyq qarjyǵa monsha salý josparlanyp otyr. Sondai-aq 29 mln teńgege ortalyq tárbielenýshilerin kedergisiz tasymaldaý maqsatynda kólik satyp alynbaq.
Búgin jańartylǵan ortalyqqa barǵan tárbielenýshilerdiń ata-analary men jaqyn týystary jasalǵan jaǵdailarmen tanysty.
Atap ótsek, statsionary bar «Qamqor» arnaýly áleýmettik qyzmet kórsetý ortalyǵy 3 jastan 18 jasqa deiingi psihonevrologiialyq patologiiasy bar adamdarǵa arnaýly áleýmettik qyzmet kórsetýge arnalǵan.
Osy jyldyń qańtar aiynan bastap ortalyq bazasynda eresekter bólimshesi jumys istei bastady. Oblystyq jumyspen qamtýdy úilestirý jáne áleýmettik baǵdarlamalar basqarmasynyń derekteri boiynsha búgingi kúni ortalyqta 104 adam qyzmet alady. Onyń ishinde 54-i bala.
Jalpy oblysta arnaýly áleýmettik qyzmet kórsetetin 13 mekeme jumys isteidi, onyń 6-ýy – statsionarlyq, 7-ýi – jartylai statsionarlyq mekeme.
Sonymen qatar, múgedektigi bar 18 jastan asqan azamattardyń ata-analyrynyń ótinishteri boiynsha 2024 jyldyń 1-shi aqpanynan Taldyqorǵan qalasynda jartylai statsionar jaǵdaiynda qyzmet kórsetetin kúndizgi bolý ortalyǵy óz jumysyn bastaidy.
