Jetisý oblysynda 46 mln teńgeniń mal urlyǵy ashyldy, dep habarlaıdy Dalanews.kz.

13 sáýirde Eskeldi aýdanynyń turǵyny polısıaǵa júgingen. Onyń sózinshe, jaıylymnan 81 bas asyl tuqymdy iri qarasynyń 39-y qaıtpaǵan. Keltirilgen materıaldyq shyǵyn 46 mıllıon teńgeden asqan.

Aryz túsken boıda polısıa qyzmetkerleri birden jedel izdestirý sharalaryna kirisken. Sotqa deıingi tergep-tekserý barysynda oqıǵanyń mán-jaıy belgili boldy.

"Maldy 17 jyl boıy baǵyp kelgen 45 jastaǵy baqtashy kúdikke ilindi. Jedel tergeý áreketteri nátıjesinde onyń qylmysqa qatysy bary anyqtaldy. Kúdikti ustalyp, qamaýǵa alyndy. Qazir bul is boıynsha tergeý júrgizilip jatyr. Barlyq mal óz ıesine qaıtaryldy", - dedi polısıa.