I.Jansúgirov atyndaǵy Jetisý ýniversitetinde «Ǵylym dekadasy – 2025» ailyǵynyń resmi ashylýy ótti. Atalǵan ǵylymi shara «XXI ǵasyr: ǵylym jáne innovatsiialar» atty jas ǵalymdar men stýdentterdiń respýblikalyq ǵylymi-tájiribelik konferentsiiasymen bastaldy, dep habarlaidy Dalanews.kz
Konferentsiiany ýniversitettiń Basqarma-tóraǵasy – rektory Ermek Bóribaev ashyp, ǵylym dekadasynyń saltanatty ashylýymen quttyqtady.
«Ǵylym qyzmetkerleri kúnine orai bilim ordasynda sáýir boiy ýniversitetishilik, oblystyq, respýblikalyq, halyqaralyq deńgeide júzge jýyq túrli ǵylymi is-sharalar ótedi. Jas ǵalymdardy yntalandyryp, olardyń innovatsiialyq jobalaryn ilgeriletý maqsatynda Ǵylym dekadasyn arnaiy jas ǵalymdar men stýdentterdiń respýblikalyq ǵylymi-tájiribelik konferentsiiasymen bastap otyrmyz. Ótken aptada startap jobalarynyń baiqaýy ótse, Quqyq jáne ekonomika fakýltetinde «Quqyq, ekojúieler jáne turaqty damýdy zertteý» ortalyǵy ashyldy. Búgingi kúnniń ózinde Jetisý ýniversitetiniń jas ǵalymdary 11 iri ǵylymi jobany iske asyryp jatyr. «Enactus Zhetysu» komandasy «ENACTUS KAZAKHSTAN NATIONAL EXPO 2025» jarysynyń «World Cup» ligasynda jartylai finalǵa ótti, munyń ózi ýniversitet stýdentteriniń ǵylymǵa degen qulshynysyn bildiredi», – dedi Ermek Bóribaev.
Konferentsiianyń plenarlyq májilisinde I. Arabaev atyndaǵy Qyrǵyz memlekettik ýniversiteti, ál-Farabi atyndaǵy Qazaq ulttyq ýniversiteti, M. Áýezov atyndaǵy Ońtústik Qazaqstan zertteý ýniversiteti, Astana IT University, I. Jansúgirov atyndaǵy Jetisý ýniversitetiniń jas ǵalymdary baiandama jasady.
Konferentsiia «Bilim jáne ǵylym: jańa tásilder men ádistemeler», «Tsifrlandyrý dáýirindegi áleýmettik jáne gýmanitarlyq ǵylymdar», «Jaratylystaný jáne fizika-matematikalyq zertteýler: tehnologiialar jáne perspektivalar», «Quqyq jáne ekonomikanyń ózekti máseleleri» baǵyttary boiynsha sektsiialyq májiliske jalǵasty.
