«I. Jansúgirov atyndaǵy Jetisý ýniversiteti» KeAQ Basqarma Tóraǵasy - rektor Ermek Bóribaev 2025 jyldyń qorytyndysy boiynsha oblys turǵyndary aldynda esep berdi. Eseptik kezdesýge oblystyq, qalalyq máslihat depýtattary, qala turǵyndary jáne Jetisý ýniversitetiniń ujymy qatysty, dep habarlaidy Dalanews.kz.
I.Jansúgirov atyndaǵy Jetisý ýniversiteti 2024–2025 oqý jylynda bilim berý, ǵylym jáne halyqaralyq yntymaqtastyq baǵyttarynda turaqty damýyn kórsetti. Ýniversitette 800-den astam professor-oqytýshy eńbek etedi, olardyń 51 paiyzy ǵylymi dárejege ie. Ǵylym doktorlary, PhD, ǵylym kandidattarynyń úlesi jyl saiyn artyp keledi.
Bilim berý qyzmeti aiasynda 117 bilim berý baǵdarlamasy júzege asyrylyp, jasandy intellekt, taý jáne alpilik ekologiia, ekonomika jáne basqarý syndy jańa baǵyttar ashyldy. Stýdentter sany 2024 jyly 5809-dy, 2025 jyly 6401-di qurady. Túlekterdiń jumysqa ornalasýy 89 paiyzdy kórsetti.
Ýniversitet ulttyq jáne halyqaralyq reitingterde aitarlyqtai nátijege qol jetkizdi. Bilim sapasyn qamtamasyzdandyrý boiynsha táýelsiz agenttigi IQAA Ranking (NAOKO) júrgizgen 2025 jylǵy instiýtsionaldyq reiting nátijeleri boiynsha JÝ kópsalaly JOO arasynda úzdik 3-ke endi. «Atameken» UKP reitingi boiynsha 10 bilim berý baǵdarlamasy úzdik ondyqqa ense, UI GreenMetric, QS Asia, Times Higher Education reitingterinde pozitsiiasy jaqsardy.
JÝ 85-ten astam sheteldik ýniversitettermen yntymaqtastyq ornatqan. Seriktes JOO ishinde 15 ýniversitet halyqaralyq reitingterde TOP 1000-ǵa kiredi.
Bilim ordasynyń oqytýshy-ǵalymdary granttyq jáne baǵdarlamaly nysanaly qarjylandyrý aiasynda birneshe baǵyt boiynsha 3.5 milliardtan astam teńgeniń ǵylymi jobasy men baǵdarlamasyn oryndap jatyr. Ǵylymi salada «Jas Galym» jobalary, granttyq qarjylandyrý kóleminiń ósýi, patentter men avtorlyq kýálikterdiń alynýy ýniversitettiń ǵylymi áleýetin arttyrdy. Zamanaýi zerthanalar, halyqaralyq kampýstar men akademiialyq utqyrlyq baǵdarlamalary ýniversitettiń básekege qabilettiligin nyǵaita tústi.
Ýniversitette qos diplomdy bilim berý baǵdarlamalary júzege asyrylyp keledi. Bul baǵdarlamalar aiasynda stýdentter Altai memlekettik, Pshasnysh Lingvistika-tehnikalyq, Pomorsk jáne Jilina ýniversitetterinde magistratýra boiynsha, al Marke ýniversitetinde bakalavriat boiynsha bilim alady.
Memleket basshysy Qasym-Jomart Toqaevtyń tapsyrmasyna sáikes elimizde sheteldik jetekshi ýniversitetterdiń filialdary ashylyp, osy baǵytta Ǵylym jáne joǵary bilim ministrligi júieli jumys atqardy. Sonyń nátijesinde Jetisý ýniversitetiniń janynan Italiianyń Marke politehnikalyq ýniversitetiniń filialy ashyldy.
Qazirgi ýaqytta filialda 27 stýdent bilim alyp jatyr. Baǵdarlamany tabysty aiaqtaǵan túlekterge Italiianyń Aýyl sharýashylyǵy ǵylymdary men tehnologiialary salasyndaǵy bakalavr diplomy jáne Qazaqstannyń Aýyl sharýashylyǵy bakalavry diplomy beriledi.
I.Jansúgirov atyndaǵy Jetisý ýniversiteti sońǵy jyldary bilim men ǵylymdy damytýmen qatar, jastar saiasaty men áleýmettik qoldaý, infraqurylymdy jańǵyrtý baǵyttarynda keshendi jumystar atqarýda.
Jastardyń azamattyq belsendiligin arttyrý – ýniversitettiń basty basymdyqtarynyń biri. 2023–2025 jyldary jastar uiymdary, volonterlik qozǵalystar, sporttyq jáne ziiatkerlik is-sharalar sany edáýir ósti. Ýniversitet jastary oblystyq, respýblikalyq jáne halyqaralyq deńgeide chempion atandy.
Infraqurylymdy damytý baǵytynda oqý korpýstarynda kúrdeli jóndeý jumystary júrgizilip, demeýshilerdiń qoldaýymen jańa nysandar salyndy. Atap aitqanda, KAINAR-AKB akkýmýliator zaýytynyń demeýshiligimen №3 oqý korpýsyndaǵy akt zaly jańǵyrtylýda, al oblys ákimdiginiń qoldaýymen №2 oqý korpýsy aýmaǵy abattandyryldy.
2026 jylǵa arnalǵan damý josparynda ǵylymi zertteýlerdi keńeitý, inkliýzivti orta qalyptastyrý, jasandy intellekt pen tsifrlyq tehnologiialardy engizý, halyqaralyq áriptestikti nyǵaitý jáne stýdenttik ómir sapasyn arttyrý kózdelgen. Josparlanǵan baǵyttar boiynsha júrgizilgen jumystar ýniversitettiń bilim berý, ǵylymi-zertteý jáne áleýmettik infraqurylym salasynda turaqty damýǵa qol jetkizgenin kórsetti.
