Iliias Jansúgirov atyndaǵy Jetisý ýniversitetinde Ahmet Baitursynuly atyndaǵy Til bilimi institýtymen birlesken «Qazaqtildi tiltanymdyq kontent pen tsifrlyq resýrstar» taqyrybynda kóshpeli seminar ótti, dep habarlaidy Dalanews.kz
Seminarǵa Til bilimi institýtynyń, Jetisý oblysynyń «Til» oqý-ádistemelik ortalyǵynyń, Tilderdi damytý basqarmasynyń qyzmetkerleri, ýniversitettiń professor-oqytýshylary jáne Taldyqorǵan qalasy men Eskeldi aýdany mektepterinen 100-ge jýyq muǵalim qatysty. Kóshpeli seminar kórmesinde Ahmet Baitursynuly atyndaǵy Til bilimi institýtynyń bas direktory Anar Fazyljan qazaqtildi bilim berý úderisin jetildirýge arnalǵan jańa tiltanymdyq kontent pen tsifrlyq resýrstardy tanystyrdy.
Seminar barysynda atalǵan institýt qyzmetkerleri Qazaq tiliniń ulttyq korpýsynyń jumys isteý mehanizmderin kórsetti.
Elektrondy resýrstyń «QAZLLM vs. CHATGPT: Qazaq etnomádeni kodyn jetkizýdegi lingvistikalyq uqsastyqtar men basymdyqtar», «Qateler ishkorpýsy- qazaqtildi jazarman saýattylyǵy men qazaq tilin úirenýshilerdiń til meńgerý deńgeiin anyqtaýdyń tsifrlyq quraly», «Mektep oqýlyqtary terminderin birizdendirýde elektrondy sózdiktiń tiimdiligi», «LINGVOKÖMEK» qosymshasy: qurylymy men kontenti», «Mátinniń tsifrlyq ainalymy: mátintúzetkish pen elektrondy kitaphana» jáne taǵy basqa da bólimderdiń qalai jumys isteitinin aitty. Seminar barysynda Jetisý ýniversiteti men Ahmet Baitursynuly atyndaǵy Til bilimi institýty arasynda ózara yntymaqtastyq týraly kelisimge qol qoiyldy.
Ýniversitet tarapynan sóz alǵan Áleýmettik jumys jáne jastar saiasaty jónindegi prorektor Bolat Seriev búgingi seminar joǵary oqý oryndarynyń oqytýshylary men pedagogterge zamanaýi tsifrlyq quraldardy tiimdi qoldaný múmkindikterin tanystyrýǵa, tájiribe almasýǵa jáne ózekti máselelerdi talqylaýǵa zor múmkindik bolǵanyn atap ótti.
Ahmet Baitursynuly atyndaǵy Til bilimi institýtynyń bas direktory Anar Fazyljan taraptar arasyndaǵy kelisim ǵylymi-ádistemelik bailanystardy nyǵaityp, qazaq til bilimin damytýǵa, sondai-aq bilim berý úderisine innovatsiialyq tehnologiialardy engizýge jol ashatynyna senim bildirdi.
