«ٸ. جانسٷگٸروۆ اتىنداعى جەتٸسۋ ۋنيۆەرسيتەتٸ» كەاق باسقارما تٶراعاسى - رەكتور ەرمەك بٶرٸباەۆ 2025 جىلدىڭ قورىتىندىسى بويىنشا وبلىس تۇرعىندارى الدىندا ەسەپ بەردٸ. ەسەپتٸك كەزدەسۋگە وبلىستىق, قالالىق مەسليحات دەپۋتاتتارى, قالا تۇرعىندارى جەنە جەتٸسۋ ۋنيۆەرسيتەتٸنٸڭ ۇجىمى قاتىستى, دەپ حابارلايدى Dalanews.kz.
ٸ.جانسٷگٸروۆ اتىنداعى جەتٸسۋ ۋنيۆەرسيتەتٸ 2024–2025 وقۋ جىلىندا بٸلٸم بەرۋ, عىلىم جەنە حالىقارالىق ىنتىماقتاستىق باعىتتارىندا تۇراقتى دامۋىن كٶرسەتتٸ. ۋنيۆەرسيتەتتە 800-دەن استام پروفەسسور-وقىتۋشى ەڭبەك ەتەدٸ, ولاردىڭ 51 پايىزى عىلىمي دەرەجەگە يە. عىلىم دوكتورلارى, PhD, عىلىم كانديداتتارىنىڭ ٷلەسٸ جىل سايىن ارتىپ كەلەدٸ.
بٸلٸم بەرۋ قىزمەتٸ اياسىندا 117 بٸلٸم بەرۋ باعدارلاماسى جٷزەگە اسىرىلىپ, جاساندى ينتەللەكت, تاۋ جەنە الپٸلٸك ەكولوگييا, ەكونوميكا جەنە باسقارۋ سىندى جاڭا باعىتتار اشىلدى. ستۋدەنتتەر سانى 2024 جىلى 5809-دى, 2025 جىلى 6401-دٸ قۇرادى. تٷلەكتەردٸڭ جۇمىسقا ورنالاسۋى 89 پايىزدى كٶرسەتتٸ.
ۋنيۆەرسيتەت ۇلتتىق جەنە حالىقارالىق رەيتينگتەردە ايتارلىقتاي نەتيجەگە قول جەتكٸزدٸ. بٸلٸم ساپاسىن قامتاماسىزداندىرۋ بويىنشا تەۋەلسٸز اگەنتتٸگٸ IQAA Ranking (ناوكو) جٷرگٸزگەن 2025 جىلعى ينستيۋتسيونالدىق رەيتينگ نەتيجەلەرٸ بويىنشا جۋ كٶپسالالى جوو اراسىندا ٷزدٸك 3-كە ەندٸ. «اتامەكەن» ۇكپ رەيتينگٸ بويىنشا 10 بٸلٸم بەرۋ باعدارلاماسى ٷزدٸك وندىققا ەنسە, UI GreenMetric, QS Asia, Times Higher Education رەيتينگتەرٸندە پوزيتسيياسى جاقساردى.
جۋ 85-تەن استام شەتەلدٸك ۋنيۆەرسيتەتتەرمەن ىنتىماقتاستىق ورناتقان. سەرٸكتەس جوو ٸشٸندە 15 ۋنيۆەرسيتەت حالىقارالىق رەيتينگتەردە توپ 1000-عا كٸرەدٸ.
بٸلٸم ورداسىنىڭ وقىتۋشى-عالىمدارى گرانتتىق جەنە باعدارلامالى نىسانالى قارجىلاندىرۋ اياسىندا بٸرنەشە باعىت بويىنشا 3.5 ميللياردتان استام تەڭگەنٸڭ عىلىمي جوباسى مەن باعدارلاماسىن ورىنداپ جاتىر. عىلىمي سالادا «Jas Galym» جوبالارى, گرانتتىق قارجىلاندىرۋ كٶلەمٸنٸڭ ٶسۋٸ, پاتەنتتەر مەن اۆتورلىق كۋەلٸكتەردٸڭ الىنۋى ۋنيۆەرسيتەتتٸڭ عىلىمي ەلەۋەتٸن ارتتىردى. زاماناۋي زەرتحانالار, حالىقارالىق كامپۋستار مەن اكادەمييالىق ۇتقىرلىق باعدارلامالارى ۋنيۆەرسيتەتتٸڭ بەسەكەگە قابٸلەتتٸلٸگٸن نىعايتا تٷستٸ.
ۋنيۆەرسيتەتتە قوس ديپلومدى بٸلٸم بەرۋ باعدارلامالارى جٷزەگە اسىرىلىپ كەلەدٸ. بۇل باعدارلامالار اياسىندا ستۋدەنتتەر التاي مەملەكەتتٸك, پشاسنىش لينگۆيستيكا-تەحنيكالىق, پومورسك جەنە جيلينا ۋنيۆەرسيتەتتەرٸندە ماگيستراتۋرا بويىنشا, ال ماركە ۋنيۆەرسيتەتٸندە باكالاۆريات بويىنشا بٸلٸم الادى.
مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس ەلٸمٸزدە شەتەلدٸك جەتەكشٸ ۋنيۆەرسيتەتتەردٸڭ فيليالدارى اشىلىپ, وسى باعىتتا عىلىم جەنە جوعارى بٸلٸم مينيسترلٸگٸ جٷيەلٸ جۇمىس اتقاردى. سونىڭ نەتيجەسٸندە جەتٸسۋ ۋنيۆەرسيتەتٸنٸڭ جانىنان يتالييانىڭ ماركە پوليتەحنيكالىق ۋنيۆەرسيتەتٸنٸڭ فيليالى اشىلدى.
قازٸرگٸ ۋاقىتتا فيليالدا 27 ستۋدەنت بٸلٸم الىپ جاتىر. باعدارلامانى تابىستى اياقتاعان تٷلەكتەرگە يتالييانىڭ اۋىل شارۋاشىلىعى عىلىمدارى مەن تەحنولوگييالارى سالاسىنداعى باكالاۆر ديپلومى جەنە قازاقستاننىڭ اۋىل شارۋاشىلىعى باكالاۆرى ديپلومى بەرٸلەدٸ.
ٸ.جانسٷگٸروۆ اتىنداعى جەتٸسۋ ۋنيۆەرسيتەتٸ سوڭعى جىلدارى بٸلٸم مەن عىلىمدى دامىتۋمەن قاتار, جاستار ساياساتى مەن ەلەۋمەتتٸك قولداۋ, ينفراقۇرىلىمدى جاڭعىرتۋ باعىتتارىندا كەشەندٸ جۇمىستار اتقارۋدا.
جاستاردىڭ ازاماتتىق بەلسەندٸلٸگٸن ارتتىرۋ – ۋنيۆەرسيتەتتٸڭ باستى باسىمدىقتارىنىڭ بٸرٸ. 2023–2025 جىلدارى جاستار ۇيىمدارى, ۆولونتەرلٸك قوزعالىستار, سپورتتىق جەنە زيياتكەرلٸك ٸس-شارالار سانى ەدەۋٸر ٶستٸ. ۋنيۆەرسيتەت جاستارى وبلىستىق, رەسپۋبليكالىق جەنە حالىقارالىق دەڭگەيدە چەمپيون اتاندى.
ينفراقۇرىلىمدى دامىتۋ باعىتىندا وقۋ كورپۋستارىندا كٷردەلٸ جٶندەۋ جۇمىستارى جٷرگٸزٸلٸپ, دەمەۋشٸلەردٸڭ قولداۋىمەن جاڭا نىساندار سالىندى. اتاپ ايتقاندا, KAINAR-AKB اككۋمۋلياتور زاۋىتىنىڭ دەمەۋشٸلٸگٸمەن №3 وقۋ كورپۋسىنداعى اكت زالى جاڭعىرتىلۋدا, ال وبلىس ەكٸمدٸگٸنٸڭ قولداۋىمەن №2 وقۋ كورپۋسى اۋماعى اباتتاندىرىلدى.
2026 جىلعا ارنالعان دامۋ جوسپارىندا عىلىمي زەرتتەۋلەردٸ كەڭەيتۋ, ينكليۋزيۆتٸ ورتا قالىپتاستىرۋ, جاساندى ينتەللەكت پەن تسيفرلىق تەحنولوگييالاردى ەنگٸزۋ, حالىقارالىق ەرٸپتەستٸكتٸ نىعايتۋ جەنە ستۋدەنتتٸك ٶمٸر ساپاسىن ارتتىرۋ كٶزدەلگەن. جوسپارلانعان باعىتتار بويىنشا جٷرگٸزٸلگەن جۇمىستار ۋنيۆەرسيتەتتٸڭ بٸلٸم بەرۋ, عىلىمي-زەرتتەۋ جەنە ەلەۋمەتتٸك ينفراقۇرىلىم سالاسىندا تۇراقتى دامۋعا قول جەتكٸزگەنٸن كٶرسەتتٸ.
