«قازاقمىس» كورپوراسياسى اكسيونەر نۇرلان ارتىقبايەۆقا جانە باقىلاۋ كەڭەسىنە 2026 جىلعى ءبىرىنشى توقساننىڭ قورىتىندىسىن ۇسىندى. ءىس-شاراعا باسقارما ءتوراعاسى رۋسلان وسكەنالى، باقىلاۋ كەڭەسىنىڭ ءتوراعاسى نۇرمۇحامبەت ابدىبەكوۆ، باسقارما ءتوراعاسىنىڭ ورىنباسارلارى جانە باعىتتارعا جەتەكشىلىك ەتەتىن باسشىلار قاتىستى. مۇندا ونەركاسىپتىك قاۋىپسىزدىك پەن ەڭبەكتى قورعاۋ ماسەلەلەرى، وندىرىستىك كورسەتكىش، الەۋمەتتىك ساياسات جانە كورپوراسيانىڭ ودان ءارى دامۋ كەزەڭدەرى تالقىلاندى، دەپ حابارلايدى Dalanews.kz.
ەسەپتى كەزەڭ جۇيەلى وزگەرىستەرگە كوشۋ كەزەڭىنە اينالدى. اكسيونەرلىك قۇرىلىم مەن باسقارۋ مودەلى جاڭارتىلعاننان كەيىن كومپانيادا باقىلاۋ مەن ينۆەستيسيالىق ءتارتىپ كۇشەيتىلىپ، قاۋىپسىزدىككە، جوندەۋ جۇمىسىنا جانە ەڭبەك جاعدايىنا ەرەكشە كوڭىل ءبولىندى. بۇل وندىرىستىك كورسەتكىشتەن دە، ىشكى ۇدەرىس ساپاسىنان دا كورىنىس تاپتى. بۇل رەتتە جاڭا باسشىلىق الەۋمەتتىك تۇراقتىلىقتى ساقتاۋعا دەگەن ۇستانىمىن راستادى جانە ەڭبەك ۇجىمى الدىنداعى بارلىق مىندەتتەمەلەردى ورىنداۋدى ءوز موينىنا الدى.
كومپانيا ۇجىمدىق شارت تالاپتارىن ىسكە اسىرۋدى جالعاستىرۋدا، توقساندىق سىياقى تولەۋدىڭ قولدانىستاعى ءتارتىبى ساقتالىپ، جۇمىسكەرلەر مەن ولاردىڭ وتباسىنا ارنالعان الەۋمەتتىك قولداۋ شارالارى جۇزەگە اسىرىلۋدا. اقپان ايىندا جۇمىسكەرلەرگە تابىستىڭ يندەكستەلگەن تولەمى بەرىلدى، ال ساۋىردە كەزەكتى توقساندىق سىياقى تولەۋ جوسپارلانعان. 2026 جىلدىڭ ءبىرىنشى توقسانىندا كومپانيادا ولىممەن اياقتالعان جازاتايىم وقيعا تىركەلگەن جوق، ال ءوز قىزمەتكەرلەرىمىز اراسىندا جاراقاتتانعاندار سانى 41%-عا ازايدى. بۇل وندىرىستىك قاۋىپسىزدىك سالاسىنداعى جاعدايدىڭ ايتارلىقتاي جاقسارعانىن كورسەتەدى.
جاڭا باسقارۋشى كوماندا نازارىن تەك كورسەتكىشتەرگە عانا ەمەس، سونىمەن قاتار وندىرىستەگى ناقتى تاجىريبەلىك وزگەرىستەرگە اۋداردى. تەك ناۋرىز ايىندا كومپانيا باسشىلىعى ءوندىرىس ورىندارىن 950 رەت تىكەلەي ارالادى، ال جۇمىس ورىندارىنداعى سانيتارلىق-تۇرمىستىق جاعدايدى جاقسارتۋعا 3،8 ملرد تەڭگە قاراجات ءبولىندى. بۇل شەشىمدەر باسشىلىقتىڭ ۇجىممەن تىكەلەي ءارى تۇراقتى ءوزارا ءىس-قيمىلعا كوشكەنىن، سونداي-اق قوردالانىپ قالعان تۇرمىستىق جانە ۇيىمداستىرۋشىلىق ماسەلەلەردى جەدەل شەشۋگە باعىتتالعانىن كورسەتتى.
ءبىرىنشى توقساندا الەۋمەتتىك جاعىنان وسال توپقا جاتاتىن 13 وتباسىعا جاڭا پاتەردىڭ كىلتى تابىستالدى، ال جىل سوڭىنا دەيىن 173 قىزمەتكەردى تۇرعىن ۇيمەن قامتۋ جوسپارلانىپ وتىر. توقساننىڭ وندىرىستىك قورىتىندىسى بويىنشا كومپانيا وتكەن كەزەڭدەردەن قالعان تەحنيكالىق شەكتەۋلەرگە قاراماستان تۇراقتىلىعىن ساقتادى. بۇل وندىرىلگەن كەندەگى مىس قۇرامى بويىنشا جوسپاردى 3،7%-عا اسىرا ورىنداۋعا جانە 68،6 مىڭ توننا كورسەتكىشىنە قول جەتكىزۋگە مۇمكىندىك بەردى. كونسەنتراتتاعى مىس ءوندىرىسى 62،5 مىڭ توننانى (+2،3%)، ال كاتودتى مىس ءوندىرىسى 96،6 مىڭ توننانى (+0،69%) قۇرادى. ەڭ ماڭىزدىسى — بۇل ناتيجەگە جاڭا كوماندا بۇرىننان جينالىپ قالعان ماسەلەلەردى شەشۋگە كىرىسكەن كەزەڭدە قول جەتكىزدى. ءبىرقاتار قيىندىق 2025 جىلى جوندەۋ قورىن وڭتايلاندىرۋعا جانە جوندەۋ-قالپىنا كەلتىرۋ جۇمىسىنا قاجەتتى قوسالقى بولشەكتەردىڭ تاپشىلىعىنا بايلانىستى تۋىندادى. وسى رەتتە 2026 جىلدىڭ ءبىرىنشى توقسانىندا كومپانيا ينۆەستيسيالىق جانە جوندەۋ جۇمىسىن كۇشەيتۋگە كوشتى. ءوندىرۋ سەكتورىندا توزىعى جەتكەن 30 بىرلىك جەراستى تەحنيكاسىن اۋىستىرۋ تۋرالى شەشىم قابىلداندى، ال وسى ءۇش اي ىشىندە ماقۇلدانعان ينۆەستيسيانىڭ جالپى كولەمى 245 ملن دوللاردان استى. جۇمىس اۋقىمى وندىرىستىك، ينفراقۇرىلىمدىق جانە الەۋمەتتىك باعىتتاردى قاتار قامتىدى: جابدىقتى جاڭعىرتۋ، جوندەۋ جۇمىسىن كۇشەيتۋ، تۇرمىستىق نىسانداردى جاڭارتۋ، جۇمىسكەرلەرگە ارنالعان تۇرعىن ءۇي باعدارلاماسىن جالعاستىرۋ، قاۋىپسىزدىكتى ارتتىرۋ جانە جاڭا ايماقتىق جوبالاردى ىسكە قوسۋ قولعا الىندى. ۇزاق مەرزىمدى تۇراقتىلىققا باسىمدىق بەرىلدى. گەولوگيالىق بارلاۋ سالاسىندا توقسان ىشىندە مىس قورى 132،2 مىڭ تونناعا ارتتى.
سونىمەن قاتار كومپانيا الەۋمەتتىك جانە وڭىرلىك باعىتتا اۋقىمدى جۇمىستى جالعاستىرۋدا. ءبىرىنشى توقساندا ۇلىتاۋ، اباي، قاراعاندى وبلىستارىنىڭ جانە جامبىل وبلىسى شۋ اۋدانىنىڭ اكىمدىكتەرىمەن ىنتىماقتاستىق تۋرالى مەموراندۋمعا قول قويىلدى. الەۋمەتتىك جانە ينفراقۇرىلىمدىق جوبالاردى دامىتۋعا 44،6 ملرد تەڭگەدەن استام قاراجات باعىتتالاتىن بولدى. كەلىسىم دەنساۋلىق ساقتاۋ، ءبىلىم بەرۋ، سپورت نىساندارىن سالۋ مەن جاڭعىرتۋدى، سونداي-اق جەرگىلىكتى بيزنەستى قولداۋدى جانە ينجەنەرلىك ينفراقۇرىلىمدى دامىتۋدى كوزدەيدى.
بۇل جايت كومپانياداعى وزگەرىستەردىڭ تەك وندىرىستىك باعىتپەن شەكتەلمەي، جۇمىسكەرلەردىڭ وتباسى مەن وزىنە قاتىسى بار وڭىرلەر الدىنداعى جاۋاپكەرشىلىگىن سەزىنىپ وتىرعانىن كورسەتەدى. ءبىرىنشى توقساننىڭ قورىتىندىسى اكسيونەرلىك قۇرىلىم مەن باسقارۋ تاسىلدەرى جاڭارتىلعاننان كەيىن قازاقمىستا جۇيەلى جۇمىس ۇلگىسى قالىپتاسىپ جاتقانىن ايعاقتايدى.
قاۋىپسىزدىككە قويىلاتىن تالاپ كۇشەيتىلىپ، اتقارۋشىلىق ءتارتىپ نىعايتىلدى، ينۆەستيسيالىق بەلسەندىلىك ارتىپ، ەڭبەك ۇجىمىمەن تىكەلەي بايلانىس ورناتىلدى. وڭ وزگەرىستەر ءبىرىنشى توقساننىڭ وزىندە-اق ناقتى ناتيجە بەردى. بۇعان ولىممەن اياقتالعان جاراقاتتىڭ بولماۋى، زارداپ شەككەندەر سانىنىڭ ازايۋى جانە نەگىزگى وندىرىستىك كورسەتكىشتەردىڭ اسىرا ورىندالۋى دالەل. كومپانيا تيىمدىلىكتى، قاۋىپسىزدىكتى جانە ەڭبەك جاعدايىن ءبىرتۇتاس جۇيە رەتىندە قاراستىراتىن مودەلگە بىرتىندەپ كوشىپ جاتىر.
