Jetisý ýniversitetine italiiandyq jazýshy, ekolog, Ortalyq Aziia aimaǵy boiynsha sarapshy Roberto Boltri kelip, ýniversitet basshylyǵymen, Gýmanitarlyq fakýltet ujymy, stýdentterimen jáne Halyqaralyq yntymaqtastyq ortalyǵynyń qyzmetkerlerimen kezdesti, dep habarlaidy Dalanews.kz.
Ǵylymi jumys jáne internatsionaldandyrý jónindegi prorektor Alefina Bahtaýlova qonaqqa Jetisý jeri, ýniversitet jaily aqparat berdi.
Gýmanitarlyq faýltet dekany R. Jeldibaeva fakýltettiń tynys tirshiligimen tanystyrsa, Halyqaralyq yntymaqtastyq ortalyǵynyń direktory T. Qilybaev ýniversitettiń syrtqy bailanysy týraly málimet berdi. Kezdesý barysynda Roberto Boltri óziniń Orta Aziiadaǵy júzege asyrǵan halyqaralyq jobalary, sonyń ishinde Aral teńizine qatysty ekologiialyq jobasyn tanystyrdy. Sonymen qatar, ol óziniń jeke týyndysy - “Umytylǵan qasiret” kitaby týraly aityp, birneshe danasyn Tarih jáne áleýmettik pánder kafedrasyna tartý etti.
Roberto Boltri issapar aiasynda Jetisý ýniversiteti janyndaǵy Marke politehnikalyq ýniversitetiniń filialynda boldy. Jazýshy, ekolog “Agronomiia” qos diplomdy baǵdarlamasynyń stýdentterimen jáne italiiandyq oqytýshy Marko Fiorentinimen kezdesti. Eki el arasyndaǵy mádeni bailanys, bilim berý salasyndaǵy yntymaqtastyq jaily mazmundy áńgime órbidi. Kezdesý sońynda Boltri myrza Ekologiia kafedrasynyń meńgerýshisi professor J. Qanaǵatovqa ekologiia taqyrybyna bailanysty óziniń avtorlyq kitaptaryn syiǵa berip, ekologiia baǵytynda keńes berýge ázir ekenin aitty.
Sonymen qatar, sheteldik qonaq Biotehnologiia jáne ekologiia ǵylymi-zertteý institýty ǵylymi zerthanalarynyń jumysymen tanysyp, Jetisý ýniversitetiniń halyqaralyq ǵylym keńistiginde tabysty bolýyn tiledi.
