Týristik infraqurylymdy damytý aiasynda jyl sońyna deiin Tekeli qalasynda vizit ortalyǵy ashylmaq. Bul týraly búgin qala turǵyndarymen kezdesý barysynda oblys ákimi Beibit Isabaev aitty,- dep habarlaidy Dalanews.kz
Óńir basshysy óz sózinde Tekeli qalasynyń mańynda ornalasqan «Burqanbulaq» sarqyramasynyń týristik áleýeti joǵary ekenin atap ótip, biyl sarqyramaǵa baratyn joldy jańǵyrtý jumystary bastalǵanyn jetkizdi.
- Jol jóndeý jumystary aiaqtalǵannan keiin týrister legi artyp, «Burqanbulaq» óńirdiń tanymal kórikti oryndarynyń birine ainalady dep kútilýde. Jalpy, Tekeliniń tabiǵi-rekreatsiialyq áleýeti týrizmdi damytýǵa úlken múmkindik beredi. Sondyqtan týristik infraqurylymdy damytý aiasynda jyl sońyna deiin qalada demalys oryndary men týristik qyzmetter týraly aqparat beretin vizit ortalyǵy ashylady, - dedi B. Isabaev.
Budan bólek, biyl jeke kásipkerler qonaqúi, sol siiaqty jylyna 50 myń kelýshi qabyldai alatyn sporttyq-týristik keshen qurylysy jobalaryn iske asyrýda.
Atap ótsek, Tekelide 21 demalys orny jumys isteidi, onda biylǵy jyldyń birinshi toqsanynda 3 myń kelýshige 88 mln. teńgege aqyly qyzmet kórsetilgen.
Jalpy, Jetisý oblysyna ótken jyly 2 mln. týrist adam kelgen, iaǵni aldyńǵy jylmen salystyrǵan 11,1 % ósken.
