Jetisý oblysynda eńbek naryǵynyń suranysyn eskere otyryp, jergilikti biýdjet esebinen 100 bilim granty bólindi. Bul granttar negizinen pedagogikalyq, meditsinalyq, aýyl sharýashylyǵy, injenerlik jáne qurylys mamandyqtaryna arnalǵan,- dep habarlaidy Dalanews.kz
Oblystyq bilim basqarmasynyń málimetine qaraǵanda, grant iegerlerin oblystyq komissiia UBT-dan jinaǵan baldaryna sáikes anyqtady.
«Bilim berý granttary elimizdiń 9 joǵary oqý ornyna - I.Jansúgirov atyndaǵy Jetisý ýniversitetine, S.J. Asfendiiarov atyndaǵy Qazaq ulttyq meditsina ýniversitetine, Qazaq ulttyq agrarlyq ýniversitetine, Qazaq ulttyq qyzdar pedagogikalyq ýniversitetine, Abai atyndaǵy Qazaq ulttyq pedagogikalyq ýniversitetine, Almaty tehnologiialyq ýniversitetine, T.Júrgenov atyndaǵy qazaq óner akademiiasyna, Semei meditsina ýniversitetine, Halyqaralyq bilim berý korporatsiiasyna berildi. Mamandyqtar bólinisi boiynsha pedagogikalyq – 31, meditsinalyq – 33, óner – 4, ósimdik sharýashylyǵy – 9, aýyl sharýashylyǵy – 6, injenerlik – 5, qurylys – 2, týrizm – 3, qorshaǵan orta – 3, aqparattyq tehnologiialar 4 grant berildi. Búgingi tańda grant iegerlerine arnaiy sertifikattar tabystalyp, olardy joǵary oqý oryndaryna ornalastyrý jumystary júrgizilýde», - delingen oblystyq bilim basqarmasynyń habarlamasynda.
Jetisý oblysy ákiminiń bilim berý grantyna ie bolǵan túlekterdiń biri Panfilov aýdany Jarkent qalasyndaǵy Eńbekshi orta mektebiniń túlegi Arýjan Bekbolat:
– UBT-dan 93 ball jinadym, biraq memlekettik grantqa ilige almadym. Degenmen armanym oryndaldy. Oblys ákiminiń grantynyń arqasynda S. Asfendiiarov atyndaǵy meditsinalyq ýniversitette oqýǵa múmkindik aldym. Armandaǵan mamandyǵyma oqýǵa túskenime óte qýanyshtymyn. Bolashaqta joǵary bilikti maman bolyp, óńirge qyzmet etýge bar kúshimdi salamyn, – deidi Arýjan.
Qaratal aýdany Úshtóbe qalasyndaǵy № 51 mektep-gimnaziianyń túlegi Diliara Nurjan da osyndai pikir bildirdi. Ol «Agronomiia» mamandyǵy boiynsha Taldyqorǵan qalasyndaǵy italiialyq Marke politehnikalyq ýniversitetiniń filialyna oqýǵa túsken:
– Men kópbalaly otbasynan shyqtym, grantqa túsip oqysam dep qatty armandadym. Oblys biýdjeti esebinen bólingen granttyń arqasynda armanym oryndaldy. Aýyl sharýashylyǵy baǵyty boiynsha sheteldik joǵary oqý ornynyń filialynda bilim alatynyma qýanyshtymyn. Bul – men úshin úlken múmkindik. Biylǵy túlekterdiń óz jolyn taýyp, armandaryna jetýlerine tilektespin, – dedi Diliara.
Atap ótsek, jergilikti biýdjet esebinen bilim alǵan árbir stýdentpen úshjaqty kelisimshart jasalady. Bul kelisimge sáikes túlek oqýyn aiaqtaǵan soń keminde úsh jyl óz mamandyǵy boiynsha óńirde jumys isteýi tiis. Mundai talap óńirdegi maman tapshylyǵy máselesin sheshý maqsatynda engizilip otyr.
