Búgin Naýryz merekesin atap ótý aiasyndaǵy Shańyraq kúnine orai áleýmettik jaǵynan osal toptaǵy azamattarǵa, jetim balalarǵa, kópbalaly otbasylarǵa oblys ortalyǵynda jańa 60 páter berildi. Taldyqorǵandyqtarǵa páter kiltterin oblys ákimi Beibit Isabaev tapsyrdy,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jalpy «Samuryq Qazyna» Ulttyq ál-aýqat qory» AQ qarjysyna turǵyzylǵan bes qabatty turǵyn úidiń qurylysy ótken jyldyń naýryz aiynda bastalǵan bolatyn. Búgin paidalanýǵa berilgen úidiń 15-i - bir bólmeli, 15-i – eki bólmeli, 30-y – úsh bólmeli páterler.
Óńir basshysy «Birlik» shaǵyn aýdanyndaǵy jańa qonys ielerin qýanyshtarymen quttyqtap, Taldyqorǵan qalasyna jasalyp otyrǵan qoldaýlar sharalaryna, sonyń ishinde turǵyn úi qurylysyn jandandyrýǵa qatysty jumystarǵa qysqasha toqtaldy.
- Búgin zamanaýi úlgide salynǵan, ádemi, jaily úi ózderińiz siiaqty birshama jyldan beri kezekte turǵan azamattarǵa berilip otyr. Jalpy oblys kóleminde «Samuryq Qazyna» qory bizge Taldyqorǵan qalasynda, sol siiaqty Panfilov jáne Kerbulaq aýdandarynda turǵyn úiler salyp beredi. Búgin sol úilerdiń alǵashqy legi ózderińizge usynylyp otyr. Ótken jyly turǵyn úi berýdiń barlyq baǵyty boiynsha Taldyqorǵan qalasynyń ózinde 1283 otbasy baspanaly bolsa, biylǵy jyly 1 500-ge jýyq otbasyǵa baspana kiltteri tabystalatyn bolady. Bul rette jyl basynan búgingini qosa alǵanda 188 otbasy úili bolyp otyr, - dep atap ótken B. Isabaev aldaǵy josparlar jaiyn tilge tiek etip, jańa páter ielerine izgi tilegin bildirdi.
Múgedek bala asyrap otyrǵan ana Gúláiim Abilhamieva da - jańa qonysqa ie bolǵandardyń biri.
- Úsh balam bar. Kemtar bala ósirip otyrǵandyqtan, baspananyń jaily bolýy birinshi kezekte mańyzdy. Buǵan deiin uzaq jyl jer úi jaldap turdyq, jaily úi jaldaýǵa múmkindigimiz bolmady. On úsh jyl úi kezeginde turdyq. Búgin qolymyzǵa jańa páterdiń kilti tidi. Bárinen de balamnyń kútimine jaily bolatynyn oilap, erekshe qýanyp turmyn, - deidi ol qýanyshyn jasyrmai.
Qonys toiyn atap ótip jatqandardyń ishinde kópbalaly otbasylar da bar.
- Ózim «Kúmis alqa» iegerimin. Balalarym bailyǵym dep bilemin. Búgin Naýryz merekesi qarsańynda memleketten 3 bólmeli jańa páter berilip otyr. Búkil áýletimizben qýanyp jatyrmyz. Turǵyn úimen qamtý isiniń basy-qasynda júrgen azamattarǵa alǵysym sheksiz. Barsha qonystoi ielerin búgingi qýanyshtarymen quttyqtaimyn, - dedi Aqtoty Ankejanova.
Taldyqorǵandyq jalǵyzbasty ana Nadejda Sýhomlinova da jańa páterge qol jetkizgenine riza:
- Úsh balanyń anasymyn. Úlkenim qazir páteraqy tólemine, turmysymyzǵa járdemdesý úshin basqa qalaǵa jumysqa ketken. Endi óz baspanamyzǵa qol jetkizdik, bárimiz bir shańyraq astynda turatyn bolamyz, - deidi ol.
Eske salsaq, «Shańyraq kúninde» belgilengen is-sharalar otbasy institýtyn nyǵaitýǵa, otbasy qundylyqtaryn nasihattaýǵa baǵyttalýda. Osyǵan orai oblystyń aýdan-qalalarynda elý jyl otasqan otbasylarmen kezdesýler, úlgili shańyraq ielerimen syr-suhbattar, jas otbasylar baiqaýlary, neke qiiý rásimi, jańa týǵan jas náresteler men olardyń analaryn quttyqtaý, t.b. sharalar keńinen ótkizilýde.
