Jetisý oblysynda qyzmetin asyra paidalanǵan sheneýnik sottalyp ketti, dep habarlaidy Dalanews.kz.
Alakól aýdanynyń Arqarly aýylynda elektr jelilerin salý jáne qaita jańǵyrtý kezinde aýdan ákiminiń orynbasary qyzmettik ókilettigin asyra paidalanyp, is júzinde oryndalmaǵan jumystar týraly aktilerge qol qoiǵan.
"Nátijesinde biýdjet esebinen 189 mln teńgeden asa soma zańsyz aýdarylǵan. Memlekettik aiyptaý laýazymdy tulǵanyń kinásin tolyq dáleldedi", - dep jazylǵan habarlamada.
Alakól aýdandyq sotynyń úkimimen aýdan ákiminiń orynbasary múlkin tárkilemei, 5 jylǵa bas bostandyǵynan aiyryldy. Sondai-aq, memlekettik qyzmette, memlekettik uiymdarda jáne kvazimemlekettik sektor sýbektilerinde qyzmet atqarý quqyǵynan ómir boiyna aiyryldy.
Úkim zańdy kúshine engen joq.
