جەتىسۋ وبلىسىندا قىزمەتىن اسىرا پايدالانعان شەنەۋنىك سوتتالىپ كەتتى، دەپ حابارلايدى Dalanews.kz.
الاكول اۋدانىنىڭ ارقارلى اۋىلىندا ەلەكتر جەلىلەرىن سالۋ جانە قايتا جاڭعىرتۋ كەزىندە اۋدان اكىمىنىڭ ورىنباسارى قىزمەتتىك وكىلەتتىگىن اسىرا پايدالانىپ، ءىس جۇزىندە ورىندالماعان جۇمىستار تۋرالى اكتىلەرگە قول قويعان.
"ناتيجەسىندە بيۋدجەت ەسەبىنەن 189 ملن تەڭگەدەن اسا سوما زاڭسىز اۋدارىلعان. مەملەكەتتىك ايىپتاۋ لاۋازىمدى تۇلعانىڭ كىناسىن تولىق دالەلدەدى"، - دەپ جازىلعان حابارلامادا.
الاكول اۋداندىق سوتىنىڭ ۇكىمىمەن اۋدان اكىمىنىڭ ورىنباسارى مۇلكىن تاركىلەمەي، 5 جىلعا باس بوستاندىعىنان ايىرىلدى. سونداي-اق، مەملەكەتتىك قىزمەتتە، مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرىلدى.
ۇكىم زاڭدى كۇشىنە ەنگەن جوق.
