Jetisý oblysynda eki adamǵa jaı túsip, bireýi oqıǵa ornynda jan tapsyrdy, dep habarlaıdy Dalanews.kz.
Qazirgi ýaqytta 1970 jylǵy er adamnyń oqıǵa ornynda kóz jumǵany, al 1975 jylǵy zardap shegýshiniń jeńil jaraqat alyp, tekserýden keıin úıine jiberilgeni belgili.
Atalǵan fakti boıynsha naızaǵaı soǵyp, kisi óliminiń oryn alýyna baılanysty sotqa deıingi tergeý bastaldy.
QR Tótenshe jaǵdaılar mınıstrligi qazaqstandyqtarǵa naızaǵaı kezinde qaýipsizdik erejelerin qatań saqtaý qajettigin eske salady. Úı jaǵdaıynda:
- barlyq tereze men esikti jabyńyz;
- elektr quraldaryn jeliden ajyratyńyz;
- rozetka men antenadan qashyqta bolyńyz.
Kóshede júrgende:
- ǵımarat ishine nemese kólikke kirip panalańyz;
- aǵashtyń nemese metal shatyrlardyń astynda turýǵa bolmaıdy;
- motosıkl nemese velosıpedten túsińiz;
- qolshatyr qoldanbańyz;
- mobıldi telefondy sómkege salyp qoıyńyz;
- metal áshekeıler men aksesýarlardan arylyńyz.
Tabıǵat aıasynda:
- jalǵyz turǵan bıik aǵashtardyń astyna jasyrynbańyz;
- shuńqyr ne oıpań jerge tyǵynyńyz;
- ózen, kól syndy sý aıdyndarynan aýlaq bolyńyz.
