جەتٸسۋ وبلىسىندا ەكٸ ادامعا جاي تٷسٸپ, بٸرەۋٸ وقيعا ورنىندا جان تاپسىردى, دەپ حابارلايدى Dalanews.kz.
قازٸرگٸ ۋاقىتتا 1970 جىلعى ەر ادامنىڭ وقيعا ورنىندا كٶز جۇمعانى, ال 1975 جىلعى زارداپ شەگۋشٸنٸڭ جەڭٸل جاراقات الىپ, تەكسەرۋدەن كەيٸن ٷيٸنە جٸبەرٸلگەنٸ بەلگٸلٸ.
اتالعان فاكتٸ بويىنشا نايزاعاي سوعىپ, كٸسٸ ٶلٸمٸنٸڭ ورىن الۋىنا بايلانىستى سوتقا دەيٸنگٸ تەرگەۋ باستالدى.
قر تٶتەنشە جاعدايلار مينيسترلٸگٸ قازاقستاندىقتارعا نايزاعاي كەزٸندە قاۋٸپسٸزدٸك ەرەجەلەرٸن قاتاڭ ساقتاۋ قاجەتتٸگٸن ەسكە سالادى. ٷي جاعدايىندا:
- بارلىق تەرەزە مەن ەسٸكتٸ جابىڭىز;
- ەلەكتر قۇرالدارىن جەلٸدەن اجىراتىڭىز;
- روزەتكا مەن انتەننادان قاشىقتا بولىڭىز.
كٶشەدە جٷرگەندە:
- عيمارات ٸشٸنە نەمەسە كٶلٸككە كٸرٸپ پانالاڭىز;
- اعاشتىڭ نەمەسە مەتالل شاتىرلاردىڭ استىندا تۇرۋعا بولمايدى;
- موتوتسيكل نەمەسە ۆەلوسيپەدتەن تٷسٸڭٸز;
- قولشاتىر قولدانباڭىز;
- موبيلدٸ تەلەفوندى سٶمكەگە سالىپ قويىڭىز;
- مەتالل ەشەكەيلەر مەن اكسەسسۋارلاردان ارىلىڭىز.
تابيعات اياسىندا:
- جالعىز تۇرعان بيٸك اعاشتاردىڭ استىنا جاسىرىنباڭىز;
- شۇڭقىر نە ويپاڭ جەرگە تىعىنىڭىز;
- ٶزەن, كٶل سىندى سۋ ايدىندارىنان اۋلاق بولىڭىز.
