Astana Half Marathon jartylai marafony aiasynda sanaly tutyný mádenietin qalyptastyrýǵa jáne qorshaǵan ortaǵa uqypty qaraýdy nasihattaýǵa baǵyttalǵan «Taza Qazaqstan» ekologiialyq aktsiiasy ótip jatyr, dep habarlaidy dalanews.kz.
Bul týraly elorda ákimdiginiń resmi saity jazdy. Jartylai marafon baǵyty boiyndaǵy tamaqtaný oryndarynda plastik bótelkeler men aliýminii bankalardy bólek jinaýǵa arnalǵan toǵyz arnaiy qabyldaý pýnkti uiymdastyryldy. Onyń segizi jarys baǵyty boiynda ornalassa, taǵy biri start-máre qalashyǵynda jumys isteidi.
Sonymen qatar, Econetwork uiymymen birlesip, start-máre aimaǵynda arnaiy jasyl alań uiymdastyryldy. Onda jarysqa qatysýshylar men qonaqtar úshin ekologiialyq sheberlik sabaqtary men interaktivti is-sharalar ótkizilip jatyr.
Alańda plastikti qaita óńdeýge arnalǵan veloshrederler men ekstrýderler de ornatylǵan. Sonyń arqasynda qonaqtar men qatysýshylar zamanaýi ekologiialyq tehnologiialardyń jumysymen tanysyp, tabiǵatty qorǵaý isin qyzyqty ári paidaly interaktivke ainaldyra alady.
Qonaqtar men júgirýshiler úshin qorshaǵan ortany qorǵaý jáne ekologiialyq jaýapkershilik máselelerine nazar aýdaratyn arnaiy interaktivti ekologiialyq oiyn ázirlengen.
Uiymdastyrýshylardyń aitýynsha, marafon barysynda jinalǵan barlyq qoqys qaita óńdeýge jiberiledi.
