Astana Half Marathon جارتىلاي مارافونى اياسىندا سانالى تۇتىنۋ مەدەنيەتٸن قالىپتاستىرۋعا جەنە قورشاعان ورتاعا ۇقىپتى قاراۋدى ناسيحاتتاۋعا باعىتتالعان «تازا قازاقستان» ەكولوگييالىق اكتسيياسى ٶتٸپ جاتىر, دەپ حابارلايدى dalanews.kz.
بۇل تۋرالى ەلوردا ەكٸمدٸگٸنٸڭ رەسمي سايتى جازدى. جارتىلاي مارافون باعىتى بويىنداعى تاماقتانۋ ورىندارىندا پلاستيك بٶتەلكەلەر مەن اليۋمينيي بانكالاردى بٶلەك جيناۋعا ارنالعان توعىز ارنايى قابىلداۋ پۋنكتٸ ۇيىمداستىرىلدى. ونىڭ سەگٸزٸ جارىس باعىتى بويىندا ورنالاسسا, تاعى بٸرٸ ستارت-مەرە قالاشىعىندا جۇمىس ٸستەيدٸ.
سونىمەن قاتار, Econetwork ۇيىمىمەن بٸرلەسٸپ, ستارت-مەرە ايماعىندا ارنايى جاسىل الاڭ ۇيىمداستىرىلدى. وندا جارىسقا قاتىسۋشىلار مەن قوناقتار ٷشٸن ەكولوگييالىق شەبەرلٸك ساباقتارى مەن ينتەراكتيۆتٸ ٸس-شارالار ٶتكٸزٸلٸپ جاتىر.
الاڭدا پلاستيكتٸ قايتا ٶڭدەۋگە ارنالعان ۆەلوشرەدەرلەر مەن ەكسترۋدەرلەر دە ورناتىلعان. سونىڭ ارقاسىندا قوناقتار مەن قاتىسۋشىلار زاماناۋي ەكولوگييالىق تەحنولوگييالاردىڭ جۇمىسىمەن تانىسىپ, تابيعاتتى قورعاۋ ٸسٸن قىزىقتى ەرٸ پايدالى ينتەراكتيۆكە اينالدىرا الادى.
قوناقتار مەن جٷگٸرۋشٸلەر ٷشٸن قورشاعان ورتانى قورعاۋ جەنە ەكولوگييالىق جاۋاپكەرشٸلٸك مەسەلەلەرٸنە نازار اۋداراتىن ارنايى ينتەراكتيۆتٸ ەكولوگييالىق ويىن ەزٸرلەنگەن.
ۇيىمداستىرۋشىلاردىڭ ايتۋىنشا, مارافون بارىسىندا جينالعان بارلىق قوقىس قايتا ٶڭدەۋگە جٸبەرٸلەدٸ.
