Búgin Jetisý oblysy ákiminiń orynbasary Áset Qanaǵatov Tájikstan Respýblikasynyń Qazaqstandaǵy elshiliginiń saýda ókili Olimdjon Ashýrzodamen kezdesti. Basqosýda qos tarap ekijaqty ekonomikalyq jáne investitsiialyq yntymaqtastyq múmkindikterin talqylady, dep habarlaidy Dalanews.kz
Kezdesý barysynda Á. Qanaǵatov aimaqtyń investitsiialyq áleýetine keńinen toqtaldy. Atap aitsaq, aýylsharýashylyǵy, ónerkásip, logistika jáne tranzit salalaryna, «Qorǵas – Shyǵys qaqpasy» erkin ekonomikalyq aimaǵynyń múmkindikterine basa nazar aýdardy. Sondai-aq oblys ákiminiń orynbasary ekinshi jartyjyldyqta Jetisý óńirinde biznes-forým ótetinin málimdep, oǵan Tájikstannyń isker top ókilderin qatysýǵa shaqyrdy.
Óz kezeginde Olimdjon Ashýrzoda ekijaqty yntymaqtastyqtyń yqtimal baǵyttaryna toqtalyp, aimaqtyń eksporttyq áleýeti týraly birqatar suraqtar qoidy. Atap aitsaq, tájik kásipkerleriniń aimaqtaǵy zaýyttarmen tikelei kelisimshart jasasý múmkindigine qyzyǵýshylyq tanytty. Sondai-aq, Jetisýda shekaralyq yntymaqtastyqtyń orasan zor áleýeti bar ekenin tilge tiek etip, bul baǵyttaǵy qarym-qatynastardy damytýǵa qyzyǵýshylyq tanytty.
Kezdesý sońynda áleýetti investorlar men isker seriktesterdi tabýǵa baǵyttalǵan birlesken is-sharalardy ótkizý týraly usynystardy qoldap, saýda-ekonomikalyq bailanystardy keńeitýge daiyn ekendigin jetkizdi.
Aita keteiik, Jetisý oblysy men Tájikstannyń syrtqy saýda ainalymy 2024 jyly 8,3 mln. AQSh dollaryn qurady.
