بۇگىن جەتىسۋ وبلىسى اكىمىنىڭ ورىنباسارى اسەت قاناعاتوۆ تاجىكستان رەسپۋبليكاسىنىڭ قازاقستانداعى ەلشىلىگىنىڭ ساۋدا وكىلى وليمدجون اشۋرزودامەن كەزدەستى. باسقوسۋدا قوس تاراپ ەكىجاقتى ەكونوميكالىق جانە ينۆەستيسيالىق ىنتىماقتاستىق مۇمكىندىكتەرىن تالقىلادى، دەپ حابارلايدى Dalanews.kz
كەزدەسۋ بارىسىندا ءا. قاناعاتوۆ ايماقتىڭ ينۆەستيسيالىق الەۋەتىنە كەڭىنەن توقتالدى. اتاپ ايتساق، اۋىلشارۋاشىلىعى، ونەركاسىپ، لوگيستيكا جانە ترانزيت سالالارىنا، «قورعاس – شىعىس قاقپاسى» ەركىن ەكونوميكالىق ايماعىنىڭ مۇمكىندىكتەرىنە باسا نازار اۋداردى. سونداي-اق وبلىس اكىمىنىڭ ورىنباسارى ەكىنشى جارتىجىلدىقتا جەتىسۋ وڭىرىندە بيزنەس-فورۋم وتەتىنىن مالىمدەپ، وعان تاجىكستاننىڭ ىسكەر توپ وكىلدەرىن قاتىسۋعا شاقىردى.
ءوز كەزەگىندە وليمدجون اشۋرزودا ەكىجاقتى ىنتىماقتاستىقتىڭ ىقتيمال باعىتتارىنا توقتالىپ، ايماقتىڭ ەكسپورتتىق الەۋەتى تۋرالى ءبىرقاتار سۇراقتار قويدى. اتاپ ايتساق، تاجىك كاسىپكەرلەرىنىڭ ايماقتاعى زاۋىتتارمەن تىكەلەي كەلىسىمشارت جاساسۋ مۇمكىندىگىنە قىزىعۋشىلىق تانىتتى. سونداي-اق، جەتىسۋدا شەكارالىق ىنتىماقتاستىقتىڭ وراسان زور الەۋەتى بار ەكەنىن تىلگە تيەك ەتىپ، بۇل باعىتتاعى قارىم-قاتىناستاردى دامىتۋعا قىزىعۋشىلىق تانىتتى.
كەزدەسۋ سوڭىندا الەۋەتتى ينۆەستورلار مەن ىسكەر سەرىكتەستەردى تابۋعا باعىتتالعان بىرلەسكەن ءىس-شارالاردى وتكىزۋ تۋرالى ۇسىنىستاردى قولداپ، ساۋدا-ەكونوميكالىق بايلانىستاردى كەڭەيتۋگە دايىن ەكەندىگىن جەتكىزدى.
ايتا كەتەيىك، جەتىسۋ وبلىسى مەن تاجىكستاننىڭ سىرتقى ساۋدا اينالىمى 2024 جىلى 8،3 ملن. اقش دوللارىن قۇرادى.
