Bul baǵytta qabyldanǵan memlekettik baǵdarlamalar men jan-jaqty qoldaýlar jeke kásippen shuǵyldanamyn, kásibimdi keńeitemin deýshilerge mol múmkindikterdi qarastyrǵan.
Osy oraida Jetisai aýdanynyń ákimi Serik Mamytov Asyqata kentindegi «Begaly» jeke kásipkerliginde boldy.
2021 jyldyń tamyzynda iske qosylǵan nysan búginde táýligine 2 myń dana kir sabyn men kir jýý untaǵynyń qurǵaq jáne suiyq túrlerinen 1 tonnaǵa jýyq ónim óndiredi.
Óndirilgen ónimderdi Jetisai, Maqtaaral, Saryaǵash aýdandarymen qatar Shymkent, Almaty, Túrkistan jáne Aqtaý qalalaryna tapsyrys boiynsha jóneltip otyrady. Jergilikti 4 turǵyn turaqty jumyspen qamtylǵan.
Shikizatty shet elden tasymaldaityn shaǵyn tseh basshysy Baýyrjan Mahanov aldaǵy ýaqytta tis pastasy men sýsabyn, kir jýǵyshtardyń birneshe túrin shyǵaryp, kásiporynnyń qýattylyǵyn arttyrýǵa nietti. Ol úshin memleketten qoldaý, jeńildetilgen nesie kerek.
– Qazirgi ýaqytta kez-kelgen azamattyń kásip ashyp, tirligin bastaýyna, kásibiniń aýqymyn keńeitýine múmkindigi zor. Búgingidei naryq zamanynda tynymsyz eńbek qana joǵary tabysqa bastaityny anyq. Elimizdegi túrli memlekettik baǵdarlamalar kásibin jańadan bastaityn jáne kólemin arttyratyn turǵyndardy jetistikke jeteleitinin kórsetip otyr. Eń bastysy – memleket tarapynan usynylǵan qoldaýlardy múlt jibermei, jeńildetilgen nesielerdi oryndy paidalana bilý kerek. Kásipkerlerge qoldaý kórsetiledi, – dedi aýdan basshysy.
