Jetisaı aýdandyq «Jastar resýrstyq ortalyǵy» KMM-niń uıymdastyrýymen «Jetisaı» medısınalyq kolejinde sporttyń Jiu-jitsu túrinen Azıa chempıonatynyń kúmis, Álem chempıonatynyń qola júldegeri jetisaılyq sańlaq Sársenbekov Erǵalı Sýltanbekulynyń jastarmen kezdesýi ótti.

Kezdesýde elimizdiń namysyn álemdik arenada qorǵap júrgen balýan jastarǵa salaýatty ómir saltyn ustaný, sportqa bet burý týraly áńgime órbitti. Álemdik básekede baǵy janyp júrgen jerlesimiz osy sport túrine qalaı keldi, qandaı qıyndyqtardan ótti, jastar tárbıesi, er jigitterge qandaı qasıetter tán bolý kerektigin aıta otyryp jastardy óz eliniń patrıoty bolýǵa úndedi. Erkin formattaǵy júzdesýge 100-den astam stýdent qatysty.

Aıta keteıik, Erǵalı Sársenbekov 1993 jyly 4 sáýirde Túrkistan oblysy Jetisaı aýdany Kórikti aýylynda dúnıege kelgen. Ol jıý-jıtsýmen 2010 jyldan beri aınalysyp keledi. Erǵalı 2015 jyly Qyrǵyzstan jastar arasyndaǵy týrnırde top jaryp, koról parteri medaliniń ıegeri atandy. Bıyl Azıa chempıonatynda 71 keli salmaqta kúmis júldege qol jetkizse, 70 keli salmaqta Álem birinshiliginiń qola júldesin ıemdengen.

Jıyn sońynda jastar ózderiniń qyzyqtyrǵan suraqtaryna jaýap alyp, estelikke sýretke tústi.