كەزدەسۋدە ەلىمىزدىڭ نامىسىن الەمدىك ارەنادا قورعاپ جۇرگەن بالۋان جاستارعا سالاۋاتتى ءومىر سالتىن ۇستانۋ، سپورتقا بەت بۇرۋ تۋرالى اڭگىمە ءوربىتتى. الەمدىك باسەكەدە باعى جانىپ جۇرگەن جەرلەسىمىز وسى سپورت تۇرىنە قالاي كەلدى، قانداي قيىندىقتاردان ءوتتى، جاستار تاربيەسى، ەر جىگىتتەرگە قانداي قاسيەتتەر ءتان بولۋ كەرەكتىگىن ايتا وتىرىپ جاستاردى ءوز ەلىنىڭ پاتريوتى بولۋعا ۇندەدى. ەركىن فورماتتاعى جۇزدەسۋگە 100-دەن استام ستۋدەنت قاتىستى.
ايتا كەتەيىك، ەرعالي سارسەنبەكوۆ 1993 جىلى 4 ساۋىردە تۇركىستان وبلىسى جەتىساي اۋدانى كورىكتى اۋىلىندا دۇنيەگە كەلگەن. ول دجيۋ-دجيتسۋمەن 2010 جىلدان بەرى اينالىسىپ كەلەدى. ەرعالي 2015 جىلى قىرعىزستان جاستار اراسىنداعى تۋرنيردە توپ جارىپ، كورول پارتەرى مەدالىنىڭ يەگەرى اتاندى. بيىل ازيا چەمپيوناتىندا 71 كەلى سالماقتا كۇمىس جۇلدەگە قول جەتكىزسە، 70 كەلى سالماقتا الەم بىرىنشىلىگىنىڭ قولا جۇلدەسىن يەمدەنگەن.
جيىن سوڭىندا جاستار وزدەرىنىڭ قىزىقتىرعان سۇراقتارىنا جاۋاپ الىپ، ەستەلىككە سۋرەتكە ءتۇستى.
