Memleket basshysy Qasym-Jomart Toqaevtyń Qazaqstan halqyna joldaityn jyl saiynǵy Joldaýynda óńirler men eldi mekenderde buqaralyq sportqa, dene shynyqtyrýǵa, salaýatty ómir saltyn qalyptastyra otyryp densaýlyǵy myqty urpaq tárbieleýge basymdyq berip, ár aýdan ortalyqtarynda sport alańshalaryn ashý jaiyndaǵy bastamasyn júzege asyrýdy júieli túrde júrgizip kele jatqan Jetisai aýdanynda taǵy bir sport alańshasy qoldanysqa berildi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qaraqai aýyldyq okrýginde paidalanýǵa berilgen sport alańshasynyń saltanatty ashylý rásimine Jetisai aýdanynyń ákimi Serik Mamytov pen aýdandyq máslihat tóraǵasy Medet Qasymov, «AMANAT» partiiasy Jetisai aýdandyq filialynyń atqarýshy hatshysy Asqar Qainazarov pen aýyl aqsaqaldary, sport ardagerleri men jattyqtyrýshylar qatysty. El aǵalary aýyl balalaryn ziiandy ádetterden boilaryn alys ustap, salaýatty ómir saltyn qalyptastyrýǵa, dene shynyqtyrýmen shuǵyldanýǵa shaqyrdy.
Jergilikti biýdjetten qaralǵan 20 mln 193 myń teńgege salynǵan sport nysanynyń qurylysy ótken jyldyń qazan aiynda bastalyp, 11 aida el igiligine tapsyrylyp otyr. Munda aýyl balalarynyń bos ýaqyttaryn tiimdi paidalanyp, fýtboldan túrli jarystar ótkizýge múmkindikter qarastyrylǵan.
Aýyl aqsaqaldary men sport ardagerleriniń batasymen lentasy qiylǵan alańshada alǵashqy jarys 2010 – 2011 jyldary týylǵan jasóspirimder arasynda «Salaýatty ult – salaýatty urpaq» uranymen ótip, 5 komanda qatysty.
Jetisai aýdandyq mádeniet, tilderdi damytý, dene shynyqtyý jáne sport bóliminiń «Jetisai sport klýby» mekemesiniń uiymdastyrýymen ótken birinshilikte M.Baizaqov jalpy orta mektebiniń oqýshylarynan qurylǵan «Jetisai sport klýby» komandasy júldeli III oryndy ielense, M.Mámetova mektebiniń teńbil dop sheberleri II orynǵa taban tiredi. Al I oryndy qanjyǵasyna bailaǵan «Jetisai sport klýby» quramasy birinshiliktiń jeńimpazy atandy.
Búginde aýdanda mektepter men arnaýly orta oqý oryndarynyń alańshalarynan bólek 77 ashyq alańsha bolsa, onyń 49-y memlekettik, 28-i jeke azamattardyń menshiginde. Biylǵy jyly jeke investorlar men biýdjet esebinen salynýy josparlanǵan 13 sport nysanynyń 3-i paidalanýǵa berilse, 4 nysannyń qurylysy júrgizilýde, taǵy 6 nysan boiynsha memlekettik satyp alý jumystary atqarylýda.
