Qaraǵandy qalasynda ornalasqan Qazaqstan Respýblikasy IIM Ulttyq ulanynyń 6505 áskeri bóliminde jańa shaqyrylǵan jas sarbazdardyń Áskeri ant qabyldaý saltanatty rásimi ótti, dep habarlaidy dalanews.kz.
Saltanatty is-shara barysynda 400-ge jýyq jas jaýynger Qazaqstan Respýblikasyna adal qyzmet etýge, Konstitýtsiiasy men zańdaryn qatań saqtaýǵa, áskeri tártipti buljytpai oryndaýǵa jáne el tynyshtyǵyn qorǵaýǵa ant berdi.
Ant qabyldaý rásimine áskeri bólimniń qolbasshylyǵy, áskeri qyzmetshilerdiń ata-analary men jaqyndary, ardagerler jáne qurmetti qonaqtar qatysty. Saltanatty jiyn Qazaqstan Respýblikasynyń Memlekettik Ánuranymen bastalyp, Memlekettik Tý engizildi.
Is-shara barysynda áskeri bólim basshylyǵy jas sarbazdardy mańyzdy oqiǵamen quttyqtap, áskeri anttyń árbir jaýynger úshin qasietti mindet ári úlken jaýapkershilik ekenin atap ótti. Sondai-aq jas sarbazdarǵa áskeri qyzmette tabandylyq, tártip jáne Otanǵa adal qyzmet tiledi.
Áskeri ant – árbir áskeri qyzmetshiniń ómirindegi eń mańyzdy kezeńderdiń biri. Osy sátten bastap jas jaýyngerler Ulttyq ulan sapyndaǵy áskeri qyzmettiń barlyq talaptaryn oryndaýǵa jáne qoǵamdyq tártip pen azamattardyń qaýipsizdigin qamtamasyz etýge óz úlesterin qosatyn bolady.
Saltanatty rásim sońynda jas sarbazdar saltanatty marshpen júrip ótip, ata-analary men jaqyndaryna áskeri bólimniń tynys-tirshiligi tanystyryldy. Bul kún jas jaýyngerlerdiń ómirindegi umytylmas sátke ainalyp, olardyń Otan aldyndaǵy qasietti boryshyn adal atqarýǵa degen senimin nyǵaitty.
