«Semei ormany» memlekettik orman tabiǵi rezervatynda orman órtin sóndirý jumystary jalǵasyp jatyr, dep habarlaidy dalanews.kz.
Qazirgi ýaqytta órtti sóndirýge rezervattyń memlekettik orman kúzetiniń 86 qyzmetkeri men 31 birlik tehnikasy, «Qazaviaormanqorǵaý» RMQK-nyń sý tógý qurylǵysymen (VSÝ) jabdyqtalǵan 2 tikushaǵy, QR Tótenshe jaǵdailar ministrliginiń 38 qyzmetkeri men 10 birlik tehnikasy, sondai-aq QR Qorǵanys ministrliginiń Mi-8 tikushaǵy jumyldyryldy.
«Qazaviaormanqorǵaý» RMQK tikushaqtary osy ýaqytqa deiin sý tógý qurylǵysymen 24 ret sý tógý jumystaryn oryndady. Sonymen qatar qosymsha kúshter men tehnikalar órt oshaǵyna baǵyttalǵan.
Qazirgi ýaqytta órtti oqshaýlaý jáne sóndirý jumystary jalǵasýda. Jaǵdai turaqty baqylaýda.
Aita keteiik, 2023 jylǵy 8 maýsymda Abai oblysyndaǵy «Semei ormany» memlekettik tabiǵi rezervatynyń Batpaev ormanshylyǵy aýmaǵynda iri orman órti shyqty. Órt birneshe kún boiy jalǵasyp, jalpy 60 myń gektardan astam aýmaqty sharpydy.
Tilsiz jaýdy sóndirý kezinde 14 orman qyzmetkeri qaza tapty. Bul táýelsiz Qazaqstan tarihyndaǵy orman sharýashylyǵy salasyndaǵy eń aýyr apattardyń biri boldy. Qaza bolǵan mamandar memlekettik nagradalarmen marapattaldy.
