«سەمەي ورمانى» مەملەكەتتٸك ورمان تابيعي رەزەرۆاتىندا ورمان ٶرتٸن سٶندٸرۋ جۇمىستارى جالعاسىپ جاتىر, دەپ حابارلايدى dalanews.kz.
قازٸرگٸ ۋاقىتتا ٶرتتٸ سٶندٸرۋگە رەزەرۆاتتىڭ مەملەكەتتٸك ورمان كٷزەتٸنٸڭ 86 قىزمەتكەرٸ مەن 31 بٸرلٸك تەحنيكاسى, «قازاۆياورمانقورعاۋ» رمقك-نىڭ سۋ تٶگۋ قۇرىلعىسىمەن (ۆسۋ) جابدىقتالعان 2 تٸكۇشاعى, قر تٶتەنشە جاعدايلار مينيسترلٸگٸنٸڭ 38 قىزمەتكەرٸ مەن 10 بٸرلٸك تەحنيكاسى, سونداي-اق قر قورعانىس مينيسترلٸگٸنٸڭ مي-8 تٸكۇشاعى جۇمىلدىرىلدى.
«قازاۆياورمانقورعاۋ» رمقك تٸكۇشاقتارى وسى ۋاقىتقا دەيٸن سۋ تٶگۋ قۇرىلعىسىمەن 24 رەت سۋ تٶگۋ جۇمىستارىن ورىندادى. سونىمەن قاتار قوسىمشا كٷشتەر مەن تەحنيكالار ٶرت وشاعىنا باعىتتالعان.
قازٸرگٸ ۋاقىتتا ٶرتتٸ وقشاۋلاۋ جەنە سٶندٸرۋ جۇمىستارى جالعاسۋدا. جاعداي تۇراقتى باقىلاۋدا.
ايتا كەتەيٸك, 2023 جىلعى 8 ماۋسىمدا اباي وبلىسىنداعى «سەمەي ورمانى» مەملەكەتتٸك تابيعي رەزەرۆاتىنىڭ باتپاەۆ ورمانشىلىعى اۋماعىندا ٸرٸ ورمان ٶرتٸ شىقتى. ٶرت بٸرنەشە كٷن بويى جالعاسىپ, جالپى 60 مىڭ گەكتاردان استام اۋماقتى شارپىدى.
تٸلسٸز جاۋدى سٶندٸرۋ كەزٸندە 14 ورمان قىزمەتكەرٸ قازا تاپتى. بۇل تەۋەلسٸز قازاقستان تاريحىنداعى ورمان شارۋاشىلىعى سالاسىنداعى ەڭ اۋىر اپاتتاردىڭ بٸرٸ بولدى. قازا بولعان ماماندار مەملەكەتتٸك ناگرادالارمەن ماراپاتتالدى.
